Ya skˈanik lekil chajpajel sok smelelil ta stojol te chˈayeletik yuˈun te lej aˈteletik ta yan lum, alaletik sok kerem achˈixetik ta jlumaltik

 

Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,

chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.

Te Comité Familias Unidas de Chiapas Buscando a Nuestros Migrantes Desaparecidos “Junax Ko´tantik”, sok Voces Mesoamericanas, Acción con Pueblos Migrantes A. C, la yalik, te schˈayel machˈatik ya xlokˈ selej yaˈtelik ta yan lum, kˈax mel oˈtantik sbaj ya yuˈtsin spisil te swinkilel lume.

Te ini tsoblej jachbil yuˈun te batsˈil antswiniketik sok te machˈatik maba jauke, yakal slejbelik te machˈatik lokˈemik ta lej aˈtel te kuxatik ta México, jich bin utˈil yantikxan lumetik, machˈatik lokˈik ta slumalik ta swenta te oˈbolile sok schiknajel te utsˈinele, jaˈ swenta yuˈun te maba stajik lekil kuxlejal sok ayik ta yojlil ta jun lum kˈinal te banti maba x-ichˈotik ta wenta.

Maba ya stajik koltayel yuˈun te mukˈul oxkaj aˈteliletik yuˈun te ajwalile kˈalal yakal slejbelik te machˈatik kˈux ta yoˈtanike. La yalik te la stajik jun awilal temaba x-abotik sbujtsˈ kˈinal, te ini mukˈul aˈteletike chˈajyikix ta kˈajyinwane, lotil sok te bin utˈil ya x-aˈtejike mak te kˈalal maba ya x-ichˈawanik ta wenta ya schaˈ juchˈtesik te wokolile, ya sjaschik mulil sok ya schopoteswanik.

La skˈambeyik te ajwaliletik ta federal sok estatal, te ichˈbiluk ta muk yochelik jich bin utˈil-euk te machˈatik chayemik yuˈunike. Janix jich, te machˈatik chˈayemike yakuk yichˈik lejel jaˈtome kˈalal ya xtajotike, te junetik ta swenta slejel machˈatik chˈayemike manchuk yich tikonel bajel ta yan estado, jauk ya yichˈ lejel sok aˈtentayel ta Chiapas. jaxan, te machˈatik ayik ta wokole yakuk yichˈik aiyel kˈalal yakal ta pasel te aˈtelil sok te lejawe.

“Te j-aˈtel patanetik yakuk spasik te yaˈtelike, jame yokelik sok ya jkˈankotik sutibal, stajel te lekil chajpajel, smelelil, snaojibal sok schajpajel spisil” jich kejcha te komite.

Ta yan cholbil kˈop aˈyej la yakˈ ta nael te Registro Nacional de Personas Desaparecidas y No Localizadas (RNPDNO), ta sjajchibal yuˈun enero yuˈun 2020 kˈalal ta bulucheb schaˈwinik yuˈun julio yuˈun 2022, ta Chiapas ay 688 ta jtul te machˈatik chˈayemike.

Tuxtla Gutiérrez, Tapachula, Comitán de Domínguez, Frontera Comalapa sok San Cristóbal de Las Casas, jaik te banti bayal ya xchikna te ini wokolil.

Te Centro de Derechos Humanos Fray Bartolomé de Las Casas (Frayba), ta yorail Skˈajkˈalel ta Spamal Bajlumilal te Machˈatik Chˈayemike, Kˈopo ta swenta te maba ayuk ichˈel ta mukˈ kˈalal yakal ta batsˈijel te chopoliletik ta México. Ta jlumaltike, te chˈayele mukˈub kˈalal la yichˈ pasel te Plan de Campaña Chiapas 94.

Ta stojol te aˈtelil-anto, la yalik, ja la spas te Ejército mexicano sok paramilitaretik te kanantaybilik yuˈun te Estado mexicano, ta swenta stejkˈanel te tenaw sok te skˈanel ichˈel ta mukˈ yuˈun te slumal batsˈil ants winiketik. Te la stajik yip kˈalal jajch te Ejército Zapatista de Liberación Nacional (EZLN).

Te Frayba ta wakeb schaˈwinik jaˈwil skˈaxelix, la snaatay te machˈatik kuxatik-a tey ta yeˈtal slumal te municipio yuˈun Tila, la stajik wokol yuˈun te paramilitaretik  “Organización Desarrollo Paz y Justicia”, te jaˈ la sjach bayal chˈayeletik, milaw sok la sten lokˈel ta slumal bayal ta jtul antswiniketik.

Ta stojol te bin la yichˈix cholele, te Frayba la yal, chikan ta ilel te jtebnax mak mayuk koltayel yuˈun te ajwalil ta jlumaltike.

Yan cholbil kˈop aˈyej ta swenta te chˈayeletik, te Red por los Derechos de las Infancias y Adolescencias en Chiapas (REDIAS) sok Melel Xojobal A. C.  la yakˈik ta nael, te enero yuˈun 2018 kˈalal ta julio yuˈun 2022, la stsakik ta jun mil 605 ta jtul alaletik sok kerem achˈixetik te chˈayemik ta Chiapas. Ja ya skˈan a yal 319 schiknajel ta jujun jaˈwil.

La yalik, te 65.7 jaikla te kaxlanetike, ta spat ya xtal te 32. 4 batsˈil antswiniketik sok 1.9 te machˈatik ya xlokˈ slej yaˈtelik ta yan lume. Jaxan te aˈwilal yuˈun winiketik sok antsetik te bayal ya xchˈayike ja ta joˈlajuneb jaˈwil.

Jaˈto ta 2018 ya xtaba ta ilel sbatsˈijel schˈayel te alaletik sok kerem achˈixetik ta Chiapas. Ta cheb chˈayeletik ta jujun semana ta 2018, la staj lajuneb ta jujun semana ta jaˈwil ini, jich la yalik te schebal tsoblejetike.

 

Ta Chiapas Paralelo yatome jcholbeyexkotik te bintik ya xk’ojt ta pasele.

La skˈases ta batsˈil kˈop: Juan Gabriel López Ruíz.

Septiembre yuˈun 2022.

 

Quieren justicia y la verdad respecto a la desaparición forzada de migrantes, niñas, niños y adolescentes en el estado

Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.

El Comité Familias Unidas de Chiapas Buscando a Nuestros Migrantes Desaparecidos “Junax Ko´tantik”, junto a Voces Mesoamericanas, Acción con Pueblos Migrantes A. C, expresaron que la desaparición de personas migrantes, es una experiencia desgarradora que afecta a la sociedad en su conjunto.

Este comité está conformado por familias indígenas y no indígenas que buscan a migrantes de nacionalidad mexicana, como de otras. Quienes tuvieron que salir de su lugar de origen por el empobrecimiento y la violencia generalizada, esto hace imposible que tengan una vida digna en medio de un sistema capitalista que les excluye en todo sentido.

Contrario a encontrar apoyo en las instituciones de los tres niveles de gobierno en la búsqueda de sus familiares, indicaron que han ubicado una realidad desesperanzadora, pues dichas instituciones cayeron en la simulación, engaño y con sus acciones u omisiones les revictimizan, criminalizan y discriminan.

exigieron al gobierno federal y estatal el cumplimiento de sus derechos como de sus familiares desaparecidos. Así mismo, que las personas desaparecidas sean buscadas hasta encontrarlas, que las carpetas de investigación no se envíen a otros estados, sino que se busque e investigue desde Chiapas. Aunado a ello, que las familias sean escuchadas en los procesos de investigación y búsqueda.

“Que las autoridades hagan su trabajo, esa es su obligación y queremos respuestas. Acceso a la justicia, verdad, memoria y reparación integral”, finalizó el Comité.

En otras noticias de acuerdo con el Registro Nacional de Personas Desaparecidas y No Localizadas (RNPDNO), del 1 de enero de 2020 al 31 de julio de 2022, en Chiapas existen 688 personas desaparecidas o no localizadas.

Tuxtla Gutiérrez, Tapachula, Comitán de Domínguez, Frontera Comalapa y San Cristóbal de Las Casas, son las ciudades que concentran mayores cifras

El Centro de Derechos Humanos Fray Bartolomé de Las Casas (Frayba), en el marco del Día Internacional de las Víctimas de Desapariciones Forzadas, dijo que la impunidad continúa ante el incremento de la violencia criminal en el país. En el estado, la desaparición forzada se acrecentó a partir de la puesta en marcha del Plan de Campaña Chiapas 94.

Dicha estrategia, indicaron, fue implementada por el Ejército mexicano y grupos paramilitares con el cobijo del Estado mexicano para frenar la lucha y resistencia de los pueblos indígenas, que tomaron fuerza a partir del levantamiento del Ejército Zapatista de Liberación Nacional (EZLN).

El Frayba recordó a quienes hace 26 años en la zona baja del municipio de Tila, fueron víctimas del grupo paramilitar “Organización Desarrollo Paz y Justicia”, quien cometió decenas de desapariciones forzadas, ejecuciones extrajudiciales y dejó a su paso miles de personas en desplazamiento forzado.

Ante lo expuesto, subrayó que es notable la poca o nula capacidad del gobierno del estado.

Otros datos relacionados a la desaparición la Red por los Derechos de las Infancias y Adolescencias en Chiapas (REDIAS) y Melel Xojobal A. C. dieron a conocer que de enero de 2018 a julio de 2022, han registrado mil 605 casos de Niñas, Niños y Adolescentes (NNA) desaparecidos en Chiapas, lo que equivale a una media de 319 de casos anuales.

Subrayaron que el 65.7 son mestizos, seguido por el 32.4 indígenas y 1.9 migrantes. Mientras que la edad más frecuente de las desapariciones de hombres y mujeres son los 15 años.

Desde el 2018 se ha visto un aumento en las desapariciones de niñas, niños y adolescentes en Chiapas. De 2 desapariciones semanales durante el 2018, se ha alcanzado un promedio de 10 casos por semana en lo que va del 2022, enfatizaron ambas organizaciones.

Desde Chiapas Paralelo te seguiremos informando.

TRADUCTOR: Juan Gabriel López Ruíz

Septiembre del 2022.

 

 

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.
A %d blogueros les gusta esto: