Oxchuc ya xa xchaˈ tsaj te yachˈil j-aˈtel patanetik yuˈunike, te slumal batsˈil Ndee ta estado yuˈun Chihuahua yak sakˈanbelik te yakuk yichˈik ilel bin utˈil slumal batsˈil ants winiketik

Chiapasparalelo
Chiapasparalelo
Oxchuc ya xa xchaˈ tsaj te yachˈil j-aˈtel patanetik yuˈunike, te slumal batsˈil Ndee ta estado yuˈun Chihuahua yak sakˈanbelik te yakuk yichˈik ilel bin utˈil slumal batsˈil ants winiketik
Loading
/

 Foto: IEPC

Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,

chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.

Te Frente Comunitario por la Defensa de la Libre Determinación de Oxchuc ta jun tikonbil kˈop aˈyej, la yal, te Tribunal Electoral del Estado, la schˈun yichˈel ta mukˈ te aˈtelil yuˈun spasel te snopojibal yuˈunik ta swenta te bin utˈil ya snitik te slumalike sok te yakalix ta ichˈel ta wentae.

Te Frente la yakˈ ta nael sok la stuch kˈabtay te tsoblej yuˈun Hugo Gómez Santiz, jun j-aˈtel patan te tsajbil ta yochintayel te elección municipal yuˈun te slumal San Cristobalito, jaˈik la, te la schikˈik wak chojt najetik, banti ochem euk te snajik te swinikab yuˈun te Órgano Electoral Comunitario de Oxchuc. Jich bin utˈilek stejkˈanel te caroetik sok spisil te chopol aˈteletik te yakal ta kˈaxel te-ae.

Ta yan skˈoblal, ta stojol te mukˈul tsoblejetik yuˈun te yochel ants winiketike, te machˈatik ya yakˈik ta nael te kˈop aˈyejetik sok te machˈatik ya skˈan skoltayik te Frente Comunitario, la yichˈik kˈambeyel te yakuk sjachik jun ichˈaw ta kˈop yuˈun jich te chopol tsobleje ya xkejchaj ta utsˈin wane sok yakuk snaik stojol te bin yakal spasbelike.

Ta swenta junax snopojibalike, te Pleno del Tribunal Electoral del Estado de Chiapas (TEECH) la sjeluntes te chajpanbil aˈtelil IEPC/CGA-253/2021, te la yak ta nael te Consejo General del Instituto de Elecciones y Participación Ciudadana, te la snop yalel te maba kejchaj sok maba tsˈakal jilel stsajel te j-aˈtel pataniletik sok te usos y costumbres yuˈun te ayuntamiento ta municipio yuˈun Oxchuc ta yaˈwilal 2022-2024.

Ja yuˈun, ta swenta schajpanel ta lek, te mayukix wokol sok te ya xu ta nitel te swinkile slumal  yuˈun Oxchuk, te Asamblea General Comunitaria ya xa skˈan schaˈ pasik te stsajel yachˈil j-aˈtel patanetik sok slekil oˈtanil, ichˈaw ta mukˈ, smelelil sok slekil, sok te usos y costumbres.

Ta yan cholbil kˈop aˈyej Martín Cristóbal Rojas Guevara jaˈ stsumbal jilem yuˈun te slumal Ndee, N´nee, Ndé, te jaˈ wentaibil yuˈun te stsumbal apache te jich nabil sbaj ta kaxlan kˈop, jaˈ jun slumal batsˈil ants winiketik, te ya yalik, te chiknajemik te banti yoˈotik yichˈo sbijil Chihuahua najiltoxan-a te kˈalal julik te españoletik ta continente americano.

Ta diciembre yuˈun 2021, te slumal Ndee, N´nee, Ndé, la stikonbey jun tsˈibabil kˈop te ajwalil Andrés Manuel López Obrador, te banti la skˈambeyik te yakuk xkˈopoj ta stojolik sok te Instituto Nacional de Pueblos Indígenas (INPI),  yuˈun jich ya yichˈik ilel bun utˈil slumalab batsˈil ants winiketik, ya yalik, te yichˈojikla spisil te bin ya xu yakˈik ta ilel te maba chiknajemik ta yaˈyejal te jlumaltike. Te bin la stikonike matoba ay sujtib yuˈunik.

Te bin yakal ta kˈanele ilbil yuˈun te swinkilel slumal Chiricahua te jichnix euk jaˈ stsˈumbal jilem te slumal Ndee, te jolol yuˈunike jaˈ Martín Javier Tafoya Domínguez lajchayeb yoxwinik yaˈwilal te ayinem ta Ciudad Juárez.

Jaxan te slumalike tsakbilikix ta jun yuˈun te Comisión Estatal de Pueblos Indígenas (COEPI), Tafoya Domínguez jich bin utˈil euk Rojas Guevara la yalik te maba ichˈbilik ta mukˈe ta stojola te “maba chikanike”.

Rojas la staj ta jalel jun skˈoblalik te pajal kˈaxem yuˈunik te swinikilel Ndee te la stajik sok la stsajtayik ta lek ta skˈaxeltal te kˈajkˈale: jaˈ ta stojol te tojombailetik yuˈun milaw ta Chihuahua ta skajibal yaˈwilal 1839.

Ta jaˈwil anto ya xtojawanik-a yuˈun smilel te swinkilel te slumalike, ta swenta spojbeyel te skˈinalike. Jaˈ ta stojol yuˈun te yoˈtike maba ichˈbil ta wenta te bin kˈax ta slumalike, te bej la stajik ta nopele jaˈ te snakˈel sbajike te jaˈ jich te slumal Ndee kuxajik jilel te kˈaxel jaˈwiletike, jaˈnax yuˈun te bin la spasike la yichˈ nakˈel te skˈopik, te skˈu pakˈik sok makalik ta spasel te stalel skuxlejalike.

Martín Tafoya sok Martín Cristóbal la yalik ta lek te maba xa tejkˈajukik jaˈtome te kˈalal te slumal Ndee ya staj te binix yuˈunuka-e, te maba xu ta tsakel, te talel kuxlejalil, te kˈop, te batsˈil kˈinetik, te ichˈel ta mukˈ sok te skˈanel perdón ta stojolik ta swenta te la stajik milel te slumal ta cheb najtˈil jaˈwiletike.

Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.

Febrero yuˈun 2022.

……

Oxchuc llevará a cabo un nuevo proceso de selección de sus autoridades, comunidad indígena Ndee en el estado de Chihuahua luchan por ser reconocidos como pueblo originario.

Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.

El Frente Comunitario por la Defensa de la Libre Determinación de Oxchuc a través de un comunicado, indicó que el Tribunal Electoral del Estado, cumplió con su trabajo en el ejercicio de la libre determinación de sus sistemas normativos y que empiezan a hacerse valer.

El Frente denunció y señaló al grupo de Hugo Gómez Santiz, candidato propuesto a la elección municipal de la localidad San Cristobalito, como los autores materiales de la quema de 6 casas, dentro de ellas están las propiedades de integrantes del Órgano Electoral Comunitario de Oxchuc. Así como, la retención de vehículos y todos los actos de violencia que se está viviendo en el lugar.

Por otra parte, a las organizaciones sociales de derechos humanos, medios de comunicación y aquellos que quieran solidarizarse con el Frente Comunitario, les solicitaron que realicen un pronunciamiento con el fin de que el grupo criminal cese la violencia y sean responsables de sus acciones.

Por unanimidad de votos, el Pleno del Tribunal Electoral del Estado de Chiapas (TEECH) modificó el acuerdo IEPC/CGA-253/2021, emitido por el Consejo General del Instituto de Elecciones y Participación Ciudadana, por el que determinó declarar inconcluso e incompleto el proceso electivo por usos y costumbres de integrantes de Ayuntamiento del Municipio de Oxchuc para el periodo 2022-2024.

En consecuencia, a efecto de dar certidumbre, garantía y gobernabilidad al pueblo de Oxchuc, la Asamblea General Comunitaria deberá llevar a cabo un nuevo proceso de selección de sus autoridades en un marco de civilidad, respeto, certeza y legalidad, con base a sus usos y costumbres.

En otras noticias Martín Cristóbal Rojas Guevara es descendiente de la comunidad Ndee, N´nee, Ndé, perteneciente a la etnia a la que coloquialmente se le conoce como apache, una comunidad indígena que, asegura, ha existido en lo que hoy es el estado de Chihuahua desde antes que llegaran los españoles al continente americano.

En diciembre de 2021, la comunidad Ndee, N´nee, Ndé, envió una carta al presidente Andrés Manuel López Obrador, en la que solicitaban su intervención ante el Instituto Nacional de Pueblos Indígenas (INPI), para que se les reconozca como pueblo originario, pues aseguran, cuentan con todas las pruebas para comprobar cómo se les ha invisibilizado de la historia. La petición aún no ha tenido respuesta.

La petición es respaldada por integrantes de la comunidad Chiricahua también perteneciente al pueblo Ndee, su representante es Martín Javier Tafoya Domínguez de 52 años nacido en Ciudad Juárez.

A pesar de que sus comunidades se encuentran registradas ante la Comisión Estatal de Pueblos Indígenas (COEPI), tanto Tafoya Domínguez como Rojas Guevara expresan que no se les ha tomado en cuenta porque “oficialmente no existen”.

Rojas destaca un factor que tienen en común todas las familias Ndee que han encontrado e investigado a través del tiempo: el antecedente de las contratas de sangre efectuadas en Chihuahua a partir de 1839.

En aquél entonces se ofrecían recompensas económicas por las vidas de las personas de su pueblo, con el fin de despojarlos de sus tierras. Fue precisamente por aquel exterminio que actualmente se ignora lo que ha ocurrido con su pueblo, mantener un bajo perfil se convirtió en la única alternativa a la que el pueblo Ndee pudo aferrarse para sobrevivir durante el siglo pasado y antepasado, pero aquello implicaba ocultar su lenguaje, su vestimenta y a practicar sus costumbres a puerta cerrada.

Martín Tafoya y Martín Cristóbal aseguran que no pararán hasta que el pueblo Ndee recupere lo que históricamente les corresponde, algo que es intangible, la cultura, la lengua, sus tradiciones, el reconocimiento y una disculpa por el exterminio al que fue sometido su pueblo en dos siglos distintos.

Desde Chiapas Paralelo te seguiremos informando.

TRADUCTOR: Juan Gabriel López Ruíz

Febrero del 2022

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.