lumetik j´kopojeletik ta tzeltal-ch´ol, ja me te epajem chamel covid 19. (Tsotsil)
Video:
Audio:
Li tax kaltalel j´ebel chabeluk k´uts kalaltak , ti jayim cha´loilajik taj k´optik tzotzil.
Ti k´ux elan chal noticiero Chiapas paralelo, ti bochotik ja yu un li , alianza de medios de la red de periodistas de a apie , ta kaxlan kop.
Lunes bukum x´chavinik yun abril 2020
j´amtel tas venta poxtael li ta Chiapa, la yak ta nael ti lumetik tumbala, yajalon chiuk tila, ja´me te xu epajem li tsatsal chamel covid 19.
li ta lajunem yual abril, ja me te la yich ilel ti bayuk j´chamel ta lum Tumbala, ja jun vinik ta 51 s´jabilal, lij amteletik ta lumne te me las makik ti ve´ mu xa me xu boch´o tax lok, li krischano te ne ja to xu tax lo´ok ti mi oy k´usi tsots sk´olal, o me oy boch´o tax bat ta poxtael.
Ta bakim xch´avinik yun abrilne, oyxame bukum jchameletik te ta Tumbala, ja yun te la yal ti jamteletik ti ja jun lum ti tsatsajem li chamel, ak´ume ja to noox bukum li jchameletikne, pe muyuk me ep li jnaklometik te ta lumne´.
j´amtel ta sventa sbakibal yun poxtaumbail, Maria Lopez Gonzalez,la yak ta nael te ta Tumbala, Yajalon chiuk Tila ja´ me lumetik ti tsatsajem li chameletik, ja yun oy me batemik jayibuk krischano ti oyik ta sk´elelel ti naetik, ti ja oyik ta sael li jchameletik, chiuk yalbel sk´olal k´uxi xu tas k´el sbaik. Ja yuun oyik ta smesel sveik, spokel carroetik, chiuk sts´obunbailik.
li jamteletik te ta Yajalon te la yalik ti muxa me xu´ jal xlok´ik ja xa noox ta baxakim ora ta som chiuk ta chanim ora tax mal. Tila ti ja lum ti xu epajem li chamel ne, muyukxa me´ xu boch´o taxlok te ta oxlajunem yun abril ti makalk´one.
Li jnaklumetik ta lumetikne las k´anik ti mu me oyuk bajel, oy krischanoetik ti yik´al ipik ne mus k´anik ti xanabuke, yun ja ta xiik ti mi xch´amik li chamel, peja me te mu xu sman sveelik chiuk k´usitik ta xtun yunik.
Li ta lum Tila, lij nak´lumetik ta Victoria la yalik ti la smakik li stsakil sparajeik jechxa mu xu boch´o tax och, yun ja jech mu xch´amik li chamel.
La yalik ti boch´otik ja xu ipikne, muyuk me sutemik tal ta paraje, ti la smak´bik sbeikne ja me te mu xu tas man sveelik chiuk k´usitik yantik.
Li jtsomlejetik, las k´anik ti oyuk ch´kaibetik smelol, oyik tas k´anbel li krischano ti ak´u yaibeik smelol, mu smakbik sbe li jchameletik ti boch´otik te nakalik, yum me skotol vinik ants xu tax ipaj mauk tas jak me jk´ulej o k´usiuk xch´unoj, yun me jk´otoltik xu chij ipaj.
Li taj lumaltik Chiapa la yak ta nael ti ajbalil ti oy xa 124 krischano ti ipik ta coronavirus COVID-19.
Li ta kosilaltik Chiapa paralelo, te to me ta xich aleltal, ti li jbel chabel loile, ja me patrocinio yu´un DW akademie.
Ti boch´o las jelumtas ta koptik ja: Ana lucia López Hernández.
Boch´o las tsiba ja: Maximiliano López Pérez.
Gracias a:
Sin comentarios aún.