Podcast no. 15. Ta Chiapaspejk’a te spujkel te COVID, bats’i te majtamba ta ch’in lumetik. (Tseltal)
Multimedia
- Archivo de audio mp3 (5.0 Mb)
- Archivo de audio mp3 (1.4 Mb)
- Archivo de video mp4 (73.3 Mb)
- Archivo de video mp4 (21.5 Mb)
Nok’ol awaiybel, jun k’op ayej te bajem ta swenta yu’un te bats’il antswiniketik ta Chiapas, te chajpambil yu’un te Noticiero Chiapas Paralelo, te ya x-a’tej sok te Alianza de Medios de la Red de Periodistas de a Pie.
Yo’tik lunes chanlajuneb yu’un septiembre yu’un 2020.
Te ya’tel te Secretaría yu’unSalud taChiapas, ya yak’ik ta nael te tsakel ta chamel yu’un COVID-19pejk’a te spujkel. Ya yalikte semana yu’un jukeb k’alal ta lajchayeb yu’un septiembre, mayuk nij jtul antswiniketik lajik ta swenta te chamele.
Te k’opanto ja’iknaxme te mach’atik la yich’ik pasbeyel te prueba yu’un yilel teme tsakbilik ta chamele, mak te me ja’ik te mach’atik k’ojtik ta snaul poxiletik. Mayu’k jun stojil k’op ayej ta swenta te bin ya xk’ax ta chi’n lumetik te k’ejel ayik sok te mach’atik maba x-och ta snaul poxiletik janix jich ta pruebaetik yu’un yilel te chamele.
Ta spisilslumal Chiapas, k’ala ts’uj spujkel te chamelekaj ta chiknajel te a’teletik. Te chombaeletik, te parkeetiksok jam cha’oxtejk’ snaul ya’tel te muk’ul a’telpatanetik.
Ta swenta ini, jich bit’il te k’ax ta yantik muk’ul lumetik ta spatilal te scha’ kajel te a’teletik, teme te antswiniketik maba skanantay sbajik yu’un te chamele, ya me xcha’ pujk bayal temuk’ul chamele. Ta swentaskanatayel jbajtik ta jujun tul yatome sk’an jt’untik te tsitseletik, jich ya yalik te p’ijiletik yu’un poxil.
Majtamba k’opetikta Chamula, Tilasok Aldama.
Ta semana yu’un jukeb k’alal ta oxlajuneb yu’un septiembre, muk’ubxan te Majtamba k’opetikta munisipioteik yu’un San Juan Chamula, Tila sokAldama.
Ta San Juan Chamula, cha’ chiknatal te majtamba ta swenta stsakel te a’tel yu’un ajwalil ta munisipio. Cha’ tsojbik te chikna Tea, te ya sk’anik xnaotik bit’il ajwaliletik ta munisipio. Te nitbilik yu’un Juan Shilón sok Ponciano Gómez.
Ja’ jun majtamba te ja’chem ta yabilal 2018, te yo’tik, te nopol xcha’ kajix te sk’ajk’alel ta swenta-stsajel te yach’il a’telpatanetik ta munisipio sok diputadoetik te ya xk’ojt ta junio yu’un 2021-, ja’ yu’un yakal ta chiknajel te majtambaetik.
Te k’axel mierkoles te Fiscalía la stsak te Juan Shilón, te ja’ la yak’ bejenuk te swinikab, ya xa smakik bejetik sok ya xa stunik te stujk’ik ta swenta skoltayelte jtunel yu’unike.
Ta munisipio yu’un Tila, swinkileletik te lum te junax ayik sok te a’telpatanetik yu’un te ayuntamiento munisipal la stenten sbajik sok te ejidatarioetik yu’un te kabesera municipal.
Te ejidatarioetik ya yalik te ak’a snaik te kabesera punicipale ja’ k’inal ejidaletik. Te a’telpatanetik yu’un te munisipio maba sk’an yich’ik ta wentate k’op inite ayix jawil te yak sk’ambelik. Te kabesera municipal k’atpuj ta jun k’inal te yak stembel sbajik-a. sok ayix u’ te li’ talumk’inalla yak’ik mak bejetik te ya yilek te ochel sok te lok’ele.
Ta bulucheb yu’un septiembre te ejidatarioetik k’an sjamik ochel te bejyu’un sk’anelte mayuk mak bejetik. La yalik, te k’alal k’ojtike kajik ta tujk’ayel. Ay ya yalik,tey majtambaje ochik-ek te slumalab yu’un te micipioteslak’oYajalón. K’alal k’ojtta pasel te majtamba ini lajik ta tujk’cha’ oxtul te swinikabta xchebaltsoblej
Ta Aldamayakalto yak’belik wokolil te uts’inwanejetik te chapatik ta tujk’. Ja’ik la te mach’atik lokemik ta slumalSanta Martha, te ay ta Chenalhó.
Ya yalik-ek te slumalab Chenalhó te mach’atik chapatik sok te stujkike maba ja’ukik sok ya scha’ yalik tejaik teAldama, te yo’tike sok snao spisil antswinik, te ja’nax junax te tsoblej ta chapatik sok stujk’ik la yalik te lok’emik taSanta Martha.
Te uts’inele juju ts’in yakal,sok ta slajibal te semana muk’ub te majtambata Aldama. Te k’axel sábadolajchayeb yu’un septiembre ta baluneb skubel k’inal kaj te majtamba sok yakalikto, la yejchentayik jilel cha’ tul swinkilel te slumal Tabak.
K’alal ora teMajtamba k’opetik taSanChamula, TilasokAldama, maba chajpambil.
Li’ ta Chiapas Paralelo yatome jcholbeyexkotik te bintik ya xkojt ta pasele. te k’opayej ini chajpanbil sok spatrocinio yu’un DW Akademie.
Traducción y locución (sk’asesel sok scholel k’op ayej): Juan Gabriel López Ruíz
Gracias a
Sin comentarios aún.