Podcast no.16 – Poxil julel yu’un Rusia te ya stejk’an te COVID-19 ya xa k’ojtuk ta México, te slumal te bats’il antswiniketik ya yochintayik te lotil k’op ayejetik
Multimedia
- Archivo de audio mp3 (4.2 Mb)
- Archivo de audio mp3 (0.5 Mb)
- Archivo de video mp4 (63 Mb)
- Archivo de video mp4 (18 Mb)
Nok’ol awaiybel, jun k’op ayej te bajem ta swenta yu’un te bats’il antswiniketik ta Chiapas, te chajpambil yu’un te Noticiero Chiapas Paralelo, te ya x-a’tej sok te Alianza de Medios de la Red de Periodistas de a Pie.
Yo’tik lunes jun scha’winik yu’un septiembre yu’un 2020.
Te k’axel baluneb yu’un septiembre, te ajwalil yu’un Rusia la yak’ ta nael te la spas firmar jun chajpanbil k’op ayej sok te laboratorio mexicano Landsteiner Scientific, yu’un stikonel ta México 32 millones ta jp’i poxil juleletik yu’un stejk’anel te Covid-19, te yich’o sbijil poxil julel Sputnik V.
Te ajwalil yu’un México la yal, te poxil julel yakalto ta tsajtayel, ja’ ya skanayal, te maba k’axem bayal sk’ajk’alel ta pruebaetik yu’un snael teme ya xa skanantay te antswiniketik sok te chamele, teme xu stejk’an te coronavirusmak teme ya yuts’inxan tebak’etalil ta spatilal.
Te ajwalil yu’un México la yal, te ya xa yil ta lek te snopjibal yu’unik te laboratorio te yayich’ jilel te poxil julel yu’un Rusia, ta swentate k’alal ya yich’ julel te swinkilel lumetik nail ya sk’an ilelteme liknix-ae. Chikan biluk poxil mak teme poxil julel te ya x-och ta jlumaltik yame sk’an xk’ax ta ilel ta lek.
Ta swenta te muk’ul chamel yu’un coronavirus, te k’ax tsakot ta bayel te antswiniketik ta spamal balumilal, yakalto ta lejel jun poxil julel te ya xu stejk’an.Ya yalik te ja’towan ta yojlilbal te yan jawil te yakal ta talele lekwanix ay-atepoxil julel,te k’axemix ta pruebaetik.
Te k’axel semana, chiapanekoetik te ochik ta k’op yu’un “Desenmascarar la desinformación”, ta sk’ajk’alel te “Feria de las Lenguas Indígenas Nacionales 2020”. Tey ta k’op ayejela xcholik te k’alal yakal-ate muk’ul chamel yu’un coronavirus, te slumalab te bats’il antswiniketik maba la snaik stojol te k’op ayejetiketa oranax, yu’un snael te bin yakal ta k’axele. Te k’op ayejetik te la yak’ te ajwalil ja’nax bajem ta stojol te muk’ul lumetik. Maba la yich k’atpuntesel te tikonbil k’opetik yu’un jich ya xuxk’ojt-a ta tut lumetik sok ta slumal te bats’il antswiniketik. Maba la yich’ pasel yach’il tikonbil k’opetik ta stojolik.
Ta swenta te maba xu’ ta tajel te tikonbil k’op ayejetikta sjajchibal yuil skajeltemuk’ul chamele, ja’ la yak te maba la snaik stojol te bin yakal ta k’axele, jajch te spujkellotil k’opetik, uts’inel ta stojolik te a’tel poxtawanejetik, chiknaj tojkal, sok elek’etik; “te bin yakal ta wokole, ja’ te skuxlejal te antswiniketik” jich la yalik Leonardo Toledo sok Maximiano López Pérez, yu’un Chiapas.
Ta balbaltik chikna ta ilel te aynanix la sk’an yak’ik lotil k’op ayejetik. Sok ta yantikxan, te ini wokolil sok te spukel lotil k’op ayejetik, ja’ la yak te mayuk bin snael sok te mayuk ich’el ta muk yu’un te a’telpatanetik.
Waxakeb u’ ta spatilal te sjajchibal spujkel te chamel taMéxico, yato sk’an tikonel k’op ayejetik ta stojol te tut lumetik sok ta slumal te bats’il antswiniketik, te bantiya xu xcha’ tsakotik ta chamel, ta swenta te ay yokelslok’elikta a’tel.
Li’ ta Chiapas Paralelo yatome jcholbeyexkotik te bintik ya xkojt ta pasele. te k’opayej ini chajpanbil sok spatrocinio yu’un DW Akademie.
Traducción y locución (sk’asesel sok scholel k’op ayej): Juan Gabriel López Ruíz
Gracias a
Sin comentarios aún.