Podcast no.31 Tsotsil – K’ume xi las k’elsba’ik lij naklumetik bats’i vinik antsetik tas koj li COVID-19
Multimedia
- Archivo de audio mp3 (5.2 Mb)
- Archivo de audio mp3 (3.3 Mb)
- Archivo de video mp4 (56 Mb)
- Archivo de video mp4 (17 Mb)
Otros idiomas
Li Me’ cha’bai jbel chabeluk kuts kalaltak ba’tsi vinik antsetik taj lumaltik Chiapa, k’uxelan chal noticiero Chiapas paralelo, ti jaik jtsomlejetik ta Alianza de Medios de la Red de periodista de a pie
Li lunes chanim yun enero ta 2021
Li jabil 2020 ja me tey ta xich na’el ti ja’ jabil bul tsatsal chamel, ti ja te las tuchve skuxlejal epal vinik ats tas koj li le virus tas vejlijil banumil.
Li k’alal toj bul li chamel te me laj yich alel ti boch’otik ja ep tax ilbajinatik ja’ikme’ lij naklumetik bats’i vinik antsetik, li ja me te abilaletik ti muyuk lek na’il poxta’el.
Pe skotol lene’ mu me jechuk k’ot ta pasel. Li ta Chiapa jech laj yich ak’el ta
k’elel ti ja’no’ox oxim ta cien vinik ants ipaj, ja’ik bats’i vinik ants xi laj yak ta na’el li Secretaría de Salud li ta Chiapas.
Jech k’uchal k’ot ta pasel ta U’abril, tey ta lumetik Tumbala, Yajalon chiuk Tila k’alal te y tsakatik ti ta chamel lij amteletik la mes makik lis lumalik yun me ja’ jech mux epaj lij chameletik. Skotol yamtel li Chiapas paralelo tey ta paraje’etik ti li xa jayim U’ oy li chamel, te me la jak’be kutik lij naklumetik mi ja ta melel muyuk ep ipaj li vinik ants te me laj yalik ti muyuk ep chuik k’uxi las k’el sba’ik.
Te me la sutesik li k’usi la jak’utik ta slikem, muyuktome’ jk’elojbakutik jkotol kutik mi muyuk jkuchojkutik li chamel, ti jayim te la yaybe’ik lis chamelal li le virus chiuk li boch’otik chamanik, ja no’oxme’ jch’unoj kutik k’uxelan la yal lij amteletik.
Pe te me la yalik ti muyukto bu jech laj yayik sbo’kolik k’uchal te ta Ciudad de Mexico o jech k’uchal tey ta yolil li Chiapa. Skotol lene’ ja me li paraje’etik nomtik to oyanan lis na’ik, ja me te muyuk xcha’amajesbe’ sba’ik li virus , chiuk oy jayibuk paraje’etik, jech k’uchal lij tsomlejetik bases de apoyo ta Ejército Zapatista de Liberación Nacional (EZLN), te me las chapan sk’opik ti lax chak’an sba’ik ti muyuk bu’ las nopan sba’ik chiuk ti muyuk bu’ xlok’ik ta muktik lumetik.
Lij naklumetik jzapatista’etik ja’ik me’ bayuk la yak’ik ta ilel li muyuk tax lok’ik li tas junul Mexico ja me te las pasik tas likem yun marzo ta 2020 k’alal sk’anto xal li ajbalil li oy ch’amajel chamel, li ak’u sk’anbe lij naklumetik mu’uk xlok’ik .
Chiuk noxtok te la yalik li jayim vinik ants ti ja’to sutik tal ta yanantik lumetik ti ayik ta amtel o me ta chanun k’alal mi sutik tal ak’u me xchabi’ sba’ik jech mux ch’amik li yantik mi ja xa ipajemik tal o mi ipik tal, yun me ja jech mux ch’amik li yantik jnaklumetik.
li x’chibal lis tak’ubil sjak’ubil te me la yak slo’il li vinik Trinidad Antonio Sánchez, Antonio López chiuk li Joyarit Juárez, li ja’ik senadores zoques jnak’lumetik tey ta rayon li ja’ik jpoxtabanejetik ta bomol ts’ilel.
Li le viniketik te la yak’ik ta na’el lij nak’lumetik tey ta Chapultenango, Rayón chiuk Pantepec, li ja’ik ta xakbik spoxil li le jnak’lumetik ja’ j’amteletik ta te’tik ja tas ve’ik ti k’usi tax lok tas banmilik chuk ja me tax kolik ti ta bomol ts’ilel, jayun ja me te lek tsots lis bektalik jech mux ch’amik li virus COVID-19.
Tas likem xemana k’alalto ta slajem te me oyik tas k’elel lij nak’lumetik te ta nopolik jech k’uchal ta Rayon, li te bu tax k’elbanik oy sk’ok’ik chiuk jun sbi’nik ti bu tas panik li yanal mu’mun, yanal chikite,’ yanal potoj, yanal sansibro, yanal nisparo, li ja li bomol ts’lel te tax lok yu’nik li ja k’un ta sa’el li ja ta xak’bunkutik lij me’tik banumil ti muyuk bu taj pikutik junuk pexu jtak’in’kutik , skotol le ne’ ja las poxilin skotol lij nak’lumetik jayim ipajik chiuk ja’me las mak li chamel coronavirus.
Li ta Chiapa paralelo te to me’ ta xich aleltal. Li jbel cha’bel loile ja patrocinio yu-un DW Akademie.
Ti boch´o las jelumtas taj koptik: Ana lucia López Hernández.
Boch´o las tsiba: Maximiliano López Pérez.
Gracias a:
Sin comentarios aún.