Chaˈtul jtatik jesuitaetik lajik ta slumal Cerocahui / la skˈanbeyik te j-aˈtel patanetik yuˈun Chiapas te yakuk yakˈ skˈopik ta swenta kanantayel, lekil chajpajel sok slamal kˈinal ta Oxchuk

Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,

chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.

Te jtatik jesuita Javier Campos Morales sok Joaquín César Mora Salazar, la yichˈik milel te ini jtab yuˈun junio ta yutil chˈul na yuˈun te slumal Cerocahui, tey ta municipio yuˈun Urique ta Sierra Tarahumara.

Te machˈatik lajike, te la ayik-a ta chˈul naje kˈalal jtul winik kˈojt snak sba, yuˈun yaka la ta tˈunel, te machˈa yakal ta tˈunawe la smil te winike jich-euk te jchaˈtu jtatike, ta spatilal la yichˈ bajel te yoxebal chawiniketike, te maba chiknajik ta yorail te slajelike.

Ta spatilal te wokolile, te Provincia Mexicana yuˈun te Compañía de Jesús (Jesuitas en México), maba lek la yil te bin kˈojt ta pasele sok la skˈan te lekil chajpajel, jich bin utˈil-euk stajel te sbakˈetal te machˈatik lajike sok spasel ta ajnimal aˈteliletik ta swenta skanantayel skuxlejal te yantik jbankiltik jesuitaetik, jchˈunujeletik, te machˈatik maba xchˈunik te jkajwaltik sok spisil slumal Cerocahui.

Te Diócesis yuˈun Tarahumara janix jich-euk la skˈan te lekil chajpajel. “ya jkˈambeykotik te j-aˈtel patanetik te akˈa spasik te yaˈtelik ta swenta stajel te machˈatik bojlobike sok spasel te lekil chajpajel, maba jauknax ta stojolik, jich bin utˈil ta spisil te machˈatil la yichˈik jilel utsˈinel yuˈun te ini wokolil sok te xiwel ta skˈaxeltal te ini lajuneb jaˈwil.

Te ini miércoles, te ajwalil yuˈun te estado yuˈun Chihuahua, María Eugenia Campos Galván, la yakˈ ta nael te la stajik te sbakˈetal yuˈun te jtatik jesuitaetik, jich bin utˈil-euk te jtojlinteswane uˈlawetik Pedro Eleodoro Palma Gutiérrez, janix jich la yal te sbakˈetal te machˈatik lajike ja la yakˈ ta nael te Fiscalía General del Estado (FGE) sok te Medicina Forense.

Te chaneb yoˈwinik tsoblejetik te ochemik ta Red Nacional de Organismos Civiles de Derechos Humanos “Todos los Derechos para Todas y Todos” (Red TDT), kˈopojik ta stojol te milel yuˈun te jtatik jesuitaetik. Janix jich, la yalik te ay sjokinojik bayal ta jtul te machˈtik stajojik utsˈinel, tut lumetik sok te lum kˈinal te yakatik ta skˈaneil ichˈel ta mukˈ, aˈteletik ta swenta kanantaywane sok yichˈel ta muk te yochel antswiniketik ta tulutul sok ta komun, ta swenta skˈanel smelelil sok te chajpajel, kˈalal te ini ajwalil, sok te yantik kˈaxemikixe maba spito sbajik sok te chopol tsoblejetike.

Ta México, te lajel sok te poj kˈinalil, te kanantaybil sok kuxlejalil, sok stojil yoˈtanik te antswiniketik, jich bin utˈil-euk ta komun skˈanel ichˈel ta mukˈ, la yichˈix akˈel ta nael yuˈun te machˈatik kuxatik tey ta lum kˈinal, yuˈun te jkanan yochel ants winiketik, jchol kˈop aˈyejetik sok mukˈul tsoblejetik ta yantik mukˈul lum, te ya yilik te kˈax tulan sok te yakal ta batsijel te wokolil ta stojolik te antswiniketike.

Ta yan cholbil kˈop aˈyej te Comisión Nacional de los Derechos Humanos (CNDH) la skˈambey te j-aˈtel patanetik estatal yuˈun Chiapas te yakuk yakˈ skˈopik ta swenta kanantayel, lekil chajpajel sok slamal kˈinal ta slumal Oxchuc, ayuk lekil aˈteletik yuˈun jich te municipio ya staj jun lekil kuxlejal sok skejchajel te utsˈinwaneje, jich bin utˈil-euk schˈunel te Recomendación 66/2018, akˈbil ta nael te lajuneb schaˈwinik yuˈun noviembre yuˈun 2018.

ta skˈoblalul, yuˈun te chajpanbil aˈteliletik yuˈun schˈunel te mantal ta Quinta sok Sexta yuˈun te Instrumento Recomendatorio akˈbil ta naele, banti ya yal sjachel jun aˈtelil yuˈun yakˈel ta nael sok stulanubtesel te snopojibal antswiniketik sok te aˈtel patantayel yuˈun te batsˈil antswiniketike.

Te CNDH la schol ta stojol te wokolil chiknajem ta yutil te munisipio, ta stojol te bin utˈil ya yichˈ tsajel te j-aˈtel patanetik sok te chajpanbil aˈtelil yuˈunike, stunel sok te bin kˈajyemikaje, la skˈambey spisil te jtuneletik te yakuk xkˈopojik ta swenta schajpajibal te wokolile sok te schopolil oˈtanile, yatentayel ta lek yuˈun stajel te slekilal ta komun yuˈun te swinkilel lume.

Ta Chiapas Paralelo yatome jcholbeyexkotik te bintik ya xk’ojt ta pasele.

La skˈases ta batsˈil kˈop: Juan Gabriel López Ruíz.

Junio yuˈun 2022.

Dos sacerdotes jesuitas pierden la vida en la comunidad de Cerocahui / Exhortan a las autoridades de Chiapas garantizar, la seguridad, justicia y paz en Oxchuc

Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.

Los sacerdotes jesuitas Javier Campos Morales y Joaquín César Mora Salazar, fueron asesinados este 20 de junio dentro del templo de la comunidad de Cerocahui, ubicada en el municipio de Urique, en la Sierra Tarahumara.

Las víctimas estaban en la iglesia cuando un hombre llegó a resguardarse de un ataque, pero quien lo seguía atacó tanto a esa persona como a los 2 curas, y posteriormente se llevó los 3 cuerpos sin que hayan aparecido al momento.

Tras el crimen, la Provincia Mexicana de la Compañía de Jesús (Jesuitas en México), condenó los hechos violentos y exigió justicia, además de pedir la recuperación de los cuerpos y urgir a tener medidas de protección para salvaguardar la vida de los demás hermanos jesuitas, religiosas, laicos y de la comunidad en general de Cerocahui.

La Diócesis de la Tarahumara también exigió justicia. “Pedimos a las autoridades cumplan con su trabajo de encontrar a los responsables y hacer justicia, no solamente a ellos, sino a todos los que han sido víctimas en esta ola de terror y miedo en estos últimos diez años”

Este miércoles la gobernadora del estado de Chihuahua, María Eugenia Campos Galván, anunció que recuperaron los cuerpos de los sacerdotes jesuitas, así como del guía de turistas Pedro Eleodoro Palma Gutiérrez, la gobernadora declaró que la identidad de los cuerpos fue confirmada por la Fiscalía General del Estado (FGE) mediante medicina forense.

Las 84 organizaciones* que integran la Red Nacional de Organismos Civiles de Derechos Humanos “Todos los Derechos para Todas y Todos” (Red TDT), se pronunciaron en repudio al asesinato de los sacerdotes jesuitas. Así mismo, indicaron que han sido acompañantes de miles de víctimas, comunidades y pueblos en lucha, procesos sociales de defensa y ejercicio de derechos individuales y colectivos, exigiendo verdad y justicia sin que este gobierno, ni los anteriores, se hayan deslindado de los pactos que sostienen para coexistir con la delincuencia organizada.

En México, el despojo a la vida y territorio, defendido con la vida y dignidad de personas y colectividades en lucha, ha sido denunciado por quienes habitan los pueblos, personas defensoras de derechos humanos, periodistas y organismos internacionales que observan la grave y creciente crisis humanitaria.

En otras noticias La Comisión Nacional de los Derechos Humanos (CNDH) exhortó a las autoridades estatales de Chiapas a garantizar, la seguridad, justicia y paz social en la comunidad de Oxchuc, al ser condiciones necesarias para que el municipio acceda a una vida plena y libre de violencia, así como al cumplimiento de la Recomendación 66/2018, emitió el 30 de noviembre de 2018.

En particular, las acciones implementadas para el cumplimiento de las recomendaciones Quinta y Sexta del Instrumento Recomendatorio citado, que señalan la creación de un mecanismo administrativo para promover y fortalecer los sistemas de autonomía y autogobierno indígena.

La CNDH expuso que la problemática al derivar de un conflicto al interior del municipio, relacionado con la forma de elegir a sus autoridades por el sistema normativo interno, usos y costumbres, hizo un llamado a todos los actores políticos a participar en un diálogo que permita la solución en forma pacífica de las diferencias y discrepancias, y trabajar por un bien común para la población.

Desde Chiapas Paralelo te seguiremos informando.

TRADUCTOR: Juan Gabriel López Ruíz

Junio del 2022.

 

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.