Sok 389 chameletik sok chaneb scha’winik lajemikix, yakalto ta bejel te muk’ul chamel ta Chiapas. (Tseltal)

Video:

Audio:

Transcripción:

Nok’ol awaiybel, jun k’op ayej te bajem ta swenta yu’un te bats’il antswiniketik ta Chiapas, te chajpambil yu’un te Noticiero Chiapas Paralelo, te ya x-a’tej sok te Alianza de Medios de la Red de Periodistas de a Pie.

Lunes bulucheb yu’un mayo yu’un 2020.

Te secretario yu’un Salud ta Chiapas, José Manuel Cruz Castellanos, la yak’ ta nael ta sk’ajk’alel lajuneb yu’un mayo, te jlumaltik la staj 389 chameletik te na’bil stojol sok chaneb scha’winik lajemikix yu’un te coronavirus COVID-19.

Te yach’il chameletik te lajelto ta tajele, chiknajem li’ ta municipioetik: lajuneb ta Tuxtla Gutiérrez, jukeb ta Tapachula, wakeb ta San Cristóbal de Las Casas, sok ta municipiotek yu’un, Benemérito de las Américas, Berriozábal, Mezcalapa, Nicolás Ruiz, Ocosingo, Palenque, Salto de agua, San Fernando sok Venustiano Carranza, tulnax chamel tajbil te ta junjun pam lum.

Te chameletik bayelub ta k’ajk’aletik te lajelto ta k’axele, ta spisil, ta Chiapas ay 128 te na’bil stojol, ja’ yu’un te a’telpatanetik la sk’ambeyik te eswinkilel slumal chipas te manchuk bayal ya xlok’ik ta beel sok te yakuk xjilik ta naj, ta swenta spejk’antesel yajtalul chameletik ta oxeb muk’ul lumetik yu’un te estado.

Te mach’atik lajelto ta chamele ja’ jtul yu’un Ocosingo, tul ta San Cristóbal de Las Casas, te yane ta Mezcalapa.

Ta México te Secretaría de Salud la yak’ ta nael 112 yach’il lajeletik yu’un Covid-19, te ja’ ya xmoj ta 3 mil 465.

Ta spamal balumilal, te yo’tike, 281 mil 313 te mach’atik lajemikix yu’un te coronavirus COVID-19, te jich ay ta bajel yajtalul yu’un te Universidad Johns Hopkins.

Li’ ta Chiapas Paralelo yatome jcholbeyexkotik te bintik ya xkojt ta pasele. te k’op ayej ini chajpanbil sok spatrocinio yu’un DW Akademie.

Traducción y locución (sk’asesel sok scholel k’op ayej): Juan Gabriel López Ruíz

 

Gracias a:

Sin comentarios aún.

Deja un comentario

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.