Tax likik ta a’mtel jayibuk lumetik, pero taj lumaltik Chiapa hoy me ta epajel j’chameletik. (Tsotsil)
Video:
Audio:
Transcripción:
Li tax kaltalel j´ebel chabeluk k´uts kalaltak , ti jayim cha´loilajik taj k´optik tzotzil.
Ti k´ux elan chal noticiero Chiapas paralelo, ti bochotik ja yu un li , alianza de medios de la red de periodistas de a apie , ta kaxlan kop.
Sabaro 30 yun mayo 2020.
Epal lumetik li ta mexico oyik tas chapanel s-baik li’ lunes slikem u’ yun junio, tax likik ta amtel yan velta lij bolomajeletik chiuk yantik j-amteletik ti las kuxik tas venta li coronavirus COVID-19.
Ja’ tas k’an chal ti xu’ xa x-lo’k vinik ants ti k’uchal o noox tax lok. Makal o me’ li abilaletik bu xu tas tsom s-ba vinik ants, j-chanunetik mol me-eletik chiuk krisxchanoetik ti yich’ojik tsatsal chamel ja me’ tas k’an oyik tas naik.
Ja to me’ tax lik chanun ta jun x-chavinik yun septiembre, k’alal me ochik ta chanun li ololetik tsots me’ j-k’olal ta xich smak yiek s-kotol lij chanunetik.
Taj lumaltik Chiapa oy me’ smantalil ti oyukutik taj natik, yun me’ oy o’ ta epajel li jchameletik ta COVID-19. Li ta viernes balunem x-chabinik yun mayo te la yich ak’el ta nael ti k’ot ta 129 jchameltik ta jun no-ox k’akal, ja me ep jchameletik te ta Tuxtla Gutierrez.
oy jayibuk lumetik li ta Chiapa, j-naklumetik ti muyuk tas k’el sbaik ti k’uchal mux ch’amik li chamel, jech k’uchal te ta lum Venustiano Carranza, yun k’alal lij amteletik las k’an las pokik li be-etik, muyuk la sk’anik lij nak’lumetik.
Te me’ las makik be-etik lij nak’lumetik, oy jayibuk vinik ants ti las nop-ve’ smul li ajbalil, te las muyesik ta Facebook, ti k’usi tas pokik li be-etik ja jun chopol poxil ti tas mil krischano, tas koj li ayej le ne’ ja yun te las chikbik sna’ li yuts yalal presidente chiuk sna’ li Gobernador yunuk.
Ta lumetik k’uchal ta jovel chiuk Tuxtla Gutierrez, te ta snail poxtaumbail, te me noj taj chameletik ti ja ipik ta COVID-19,ja yun ti boch’o tax k’otik tas k’anik poxtael ta me smalaik jal yun me toj ep lij chameletik, mi ja krischanoetik ti muyuk to mas tsots ipik, ta me xich-ik sutesel tas naik.
Ta lum k’uchal Estados Unidos, ti bu’ ep k’uts-kalaltik mexicanoetik te batemik ta amtel, ti boch’otik tax chamik ta COVID-19, muyuk ta sutik tal ta kajon ja no-ox chikbil tax talik ti ja xa’ ta tan, yun li ajbalil mu xak jelabuk li anima’ti boch’otik tax cham ti ta chamel lene’.
Li ta kosilaltik Chiapa paralelo, te to me ta xich aleltal, ti li jbel chabel loile, ja me patrocinio yu´un DW akademie.
Ti boch´o las jelumtas ta koptik: Ana lucia López Hernández.
Boch´o las tsiba: Maximiliano López Pérez.
Gracias a:
Sin comentarios aún.