Podcast no.18 Tseltal – Te muk’ul chamel yu’un COVID la yak’ ta ilel te tulan yo’tanik te slumal bats’il ants winiketik

Resumen informativo COVID-19
Resumen informativo COVID-19
Podcast no.18 Tseltal - Te muk’ul chamel yu’un COVID la yak’ ta ilel te tulan yo’tanik te slumal bats’il ants winiketik
Loading
/

Multimedia

Otros idiomas

 

Nok’ol awaiybel, jun k’op ayej te bajem ta swenta yu’un te bats’il antswiniketik ta Chiapas, te chajpambil yu’unte Noticiero Chiapas Paralelo, te ya x-a’tej sok teAlianza de Medios de la Red de Periodistas de a Pie.

Yo’tik lunes jo’eb yu’un octubreyu’un 2020.

Te mach’a ya xu yu’un ta stukelstajelte sweel yuch’el, te mach’a ya xu yu’un sts’unel te sweel yuchelike, maba la staj bayal wokol yu’un skanantaybel sbaj ta stojolte chamel yu’un COVID-19, sok skanantayel te lek te bin ya xtu’un yu’un te syalnich’nabike.

Cha’ox pam slumal bats’il ants winiketik sok te mach’atik k’ejel kuxatik la yak’ik ta ilel te k’alal yakal te muk’ul chamele, k’alal te jilik ta snajik, maba lok’ sk’anik majtanil sok smajliyeljunkoltayel yu’un te ajwalil. Ta swenta ini kuxajik ta weel uch’eletik te abotik yu’un te jme’tik lum.

“Sokte jts’unubilkotik, te slukel jchaykotik sok te jnutsujelkotik, ju’ ku’unkotik stajel te jweel kuch’elkotik”, jich la xcholik te bats’il ants winiketik ta bayuk lumetik yu’un te bajlumilal.

Bats’il ants winiketik yu’un Brasil la xcholik, k’alal yakal-a te k’op sok te p’ijeletik yu’un weel uch’elil, jun te lekil nopjibaletik te ijkitaybotik jilel yu’un te muk’ul chamele, ja’ snael te tulan sk’oblalul sts’unel te sweel yuch’elike.

Jul ta sjolik te najilto-a te kalal k’ojt te capitalismo, maba xtu’un yu’unik-a te tak’in yu’un te sweel yuch’elike, ta swenta te ay sts’unubilik sok sjelel te bin ay yu’unike, ja’ jich te ants winiketik ay yu’unik te ban k’alal ya xtu’un ta naj yu’un smak’lintesel sbajik.

Ta spatilal, k’alal kajsch’aybelik te sk’inalik yu’un pojbotik mak la schonik, “kajonkotik ta wokol ta swenta te yo’tik ya xtu’un ku’unkotik te tak’ine, sok cha’ oxtul keremetik kaj ta ch’ayel ta sjolik te bin ut’il ta a’tentayel te awal ts’unibiletike mak stajel te bin ya xtu’un yu’unike, sok te bit’il ya spasik te snajike”.

Te Bats’il ants winiketik yu’un Brasil ya yalik te mach’a jo’yob ya sts’umbaje ya me stambey sitte bin la sts’une, ya me staj te bin ya xtun yu’un te syalnich’nabike.

Ta swenta sch’ayel te sk’inalike, ta swenta slejel tak’in, la yich’tal wokolil ta stojol te ants winiketik: ja’ la yak te maba pajal ya yich’sbajik ta wenta, ja’ la yak’ te mayuk lek weel uch’elil ta spisilik, ja’nix jich-ek ta stojolik te mach’atik ay stak’inike.

Ta Chiapas, organisasionetik sok te mach’atik ya x-a’tejikta k’altik yakal stsobel sbajik yu’un sjachel jun pajal a’telil te ya xu sjachte sjelel biluketik, sok te stunel jun tak’in te yich’o sbijil Tumin, te ja ya sk’ana yal tak’in ta sk’op tutunakú.

Te tak’in ini mak tak’in junil yak ta tunel ta juklajuneb estadoetik yu’un México, te banti ochem-ek Chiapas. Ya stu’unik te tutpas biluketik sokchombajeletik, te schapoj sbajik ta yich’el, bit’il skoltayel sbajik ta pajalnax.

Ta k’axel septiembre la yich’ pasel ta slumal San Cristóbal de Las Casas, jun tianguis te banti la yich’ tunel te tumin. Ja’ ini ja’ jun a’telilte ya yak’ ta ilel koltaywane ta slumal te bats’il ants winiketik, sok stajel te lekil a’telil ta swenta sweel yuch’elik.

Li’ ta Chiapas Paralelo yatome jcholbeyexkotik te bintik ya xkojt ta pasele. te k’opayej ini chajpanbil sok spatrocinio yu’un DW Akademie.

Traducción y locución (sk’asesel sok scholel k’op ayej): Juan Gabriel López Ruíz

Gracias a:

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.