Podcast no.29 Tseltal – Te Scha’jajchelte COVID-19 ja’nax tsakbil ta cheb ta jujun lajuneb munisipioetik yu’un te bats’il ants winiketik yu’un temuk’ul lum
Multimedia
- Archivo de audio mp3 (4.6 Mb)
- Archivo de audio mp3 (2.9 Mb)
- Archivo de video mp4 (50 Mb)
- Archivo de video mp4 (15 Mb)
Otros idiomas
Yakal awaiybel jun yawil cholbil k’op ayej yu’un te bats’il ants winiketik ta Chiapas, te chajpanbil yu’unte Noticiero Chiapas Paralelo, te ya x-a’tej sok te Alianza de Medios de la Red de Periodistas de a Pie.
Yo’tik lunes jun scha’winik yu’un diciembre yu’un 2020.
Ta México, tesemanaetik lajelikto ta k’axele, la yich’ tajel ta ilel te moj yajtalulte mach’atik tsakatik ta chamel yu’un COVID-19, te junax ay sok te scha’ jajchel ta spamal bajlumilal. Ta munisipioetik yu’un bats’il ants winiketik yu’un te muk’ul lum ja’ te banti yo’tik mayukik lek te tsakatik ta chamele.
Ta sk’op ya’yejalik yu’un te Consejo Nacional para la Evaluación de la Política Pública(Coneval), ta yoxebal semana yu’un diciembre, ja’nax ta cheb ta jujun lajuneb munisipioetik te banti te swinkilele ja’ bayalte bats’il ants winiketik, ay mach’atikte ay sok te chamele.
Tebantik’ax bayalxan chiknaj yajtalul te lajeletik yu’un te COVID-19 te tsakbilik ta junja’ta Papantla, Veracruz. Yantikxan lumetik te banti kuxatik bats’il ants winiketik te yakal yilbelik te scha’ jajchelte chamele, ta sk’op te Secretaría de Salud federal, ja’Huejutla ta Morelos, sok teestadoyu’un Hidalgo.
Ta Chiapas, ta slumal yu’un Chalchiuitán, te jtatikMarcos Pérez Gómez, jun jtunel yu’un te lum, ya snop, te muk’ul chamel yu’un COVID-19 jtebnax te wokolil te yak’oj ta ch’in lumetik yu’un bats’il ants winiketik, te mab spaj sok te yantikxan te la stajik tulan wokolile.
La schol te k’alal tuto-a, te ayixbal lajuneb yoxwinik ja’wil, te muk’ul chamel yu’un tosferinala yak’ bayal lajeletik ta bayuk, alaletik ta spisil lumetik. Te ants winiketik ok’ik sok awunik yu’un te schawinikik ta bejetik sok ta mukenal.
Ja’anto ja’ tulanxan te maba spaj sok te muk’ul chamelini. Ja’anto sok yantikxan tulan chameletik te k’axem yu’unik te slumal bats’il ants winiketik, te banti te ajwalil sok te puk cholbil k’op ayejetikmaba la yak’ik ta nael, jich la schol te jtunel bats’il winik.
Ta yantikxank’op a’yejetik, te puk cholbil k’op a’yejPie de Páginalaspuk junk’op ayej te banti ya yak’ ta nael te wokolil sok te te’ wamaletikte ayix ja’wil te yakal ta ka’xel ta México,sokya xchiknaj ta ilelsokte smilel te’ wamaletik maksch’ayelte yutsil te bajlumilal, maba ja’uk k’ojt ya’yejal-ate la yich’ tajel ta ilel ta ini ja’wil te ya xlajixe.
P’ijil ants winiketik sok te mach’atik ya xk’opj taswentae pajal ya snopik te ini ja’wil la yich’ tajel ta ilel te maba ayuk yich’el ta muk,yu’un te ajwalilta swentate wokolilsokte te’ wamaletik.
Sok ta swak’lejal, te muk’ul ajwalilja’ la sk’ante yak’el millonetik ta spasel muk’ul a’teletik te yaxa yuts’inte yutsilal te bajlumilale jich bin ut’il te schajpajelte refinería Dos Bocas, ta Tabasco.
Ja’nix jich te chajpanbil a’telSembrando Vida,te ya xnitawan ta sts’unel Steelchi’pajetik sokte’etik te ya xtu’un, sok ja’ te swenta te bats’il ants winiketik la sts’etlanik bats’il teetik, te la sjeluntes te ts’unubiletik sok te sk’ajk’alele, te mayuk bin ya xlok’ yu’un te te’ wamaletik sok ya snopik te mab lek ya xa lok’uk
Ja’nix jich te TrenMaya, sk’oblalul te banti te p’ijiletik yu’un teOrganizaciónde las Naciones Unidasla snopik, te ajwalil yakuk sjojk’obey ta lek te ch’in lumetik te la yak’ik ta nael te ya yuts’in te yutsilalte bajlumilale, sok ta yantikxan wokoliletik te ya xa yak’e.
Li’ ta Chiapas Paralelo yatome jcholbeyexkotik te bintik ya xkojt ta pasele.
Te k’op ayej ini chajpanbil sok spatrocinio yu’un DW Akademie.
Sk’asesel sok scholel te k’op ayej: Juan Gabriel López Ruíz
Gracias a
Sin comentarios aún.