Podcast 35 Tsotsil – Li lekil poxil k’uchal mu’ xij ipaj ti ta COVID-19 ja’ ti ak’u jk’eljbatik
Multimedia
- Archivo de audio mp3 (6.6 Mb)
- Archivo de audio mp3 (4.1 Mb)
- Archivo de video mp4 (70 Mb)
- Archivo de video mp4 (22 Mb)
Otros idiomas
Li me oyot ta ya’yel li ayej lo’il tas venta li jnak’lumetik vats’i vinik ants li ta Chiapas, li ja oy ta sbi’najesel li Chiapas paralelo, li ja’ik jtsomlejetik ta Alianza yu’un Medios de la Red de Periodista de a pie. Ta kaxlan k’op.
Li lunes jun yun febrero ta 2021.
Li ajbaliletik ta jujun lumetik te las’jelik li skoloral li semáforo yun li chamel, yun ja coloretik ti ja xu te ta xak senail ti xu’ jamal abilaletik ti mu’yuk tsotsik sk’olal. Ochik ta chapal k’op tas jelel li le ne’ ja me tas vente sk’elel li vinik ants yun me’ ja muyuk ta xich k’anel mi lij ipaj jkotoltik jech mux k’ay jbokoltik ta chamel chiuk ta tak’in, yun ja jech mu’ xij lok mi muyuk tsots sk’olal chij lok jech k’uchal ta tsobun’bail, chanumbun, ta bolomal chiuk yantik.
K’alal yich ak’el mantal ti ak’u xa’ xu’ xij lok jpastik ti k’usi muyuk tsots sk’olal, le ne’ te me lik lok’uk li vinik ants pe muyukme’ las k’el sba’ik, li boch’otik jech las pasik jame’ li kerem tsebetik, tas koj le ne’ , oy xa me’ epal jchameletik, jech k’uchal k’alal laj yich alel ti Buen Fin ja me tas k’an chal li tsul stojol li k’usitik ta xich chonel chiuk lis k’inal li Guadalupe chiuk li sk’inal Reyes, ja yun tey lok’ik li vinik ants te me y xch’amik li chamel li ta orane’ noj me’ taj chameletik li sna’il poxta’eletik. Skotol le ne’ ja la yal li Doctor Gerardo Gonzalez Figueroa li ja’ j’amtel yun li Departamento de la Salud EL Colegio de la Frontera Sur, ECOSUR, tey ta lum jo’vel.
Li bokolal tas kos li Covid-19 li oy taj tojolaltik ja me’ ti yun toj anil tax ch’amaj, chiuk li ja jun ach chamel ti muyuk’to na’bil spoxil, li k’alal mi iputik ja toj tsots mi la yak’butik li k’uxbektalil, li k’ok, obal chiuk to yanantik, pe me muj k’antik ta melel xij cham tas koj lene’ o mix kom jbokoltik ja me’ lek ti ak’u jk’el jba’tik.
Lis pokel lij k’omtik, chiuk ti mu’uk jnop jba’tik, stunesel lis mak ketik jni’tik chiuk ti komkutikuk taj na’tik ja me te xu mu’xij ipaj. Ja me’ melel ti tsots tax amtejik lij poxtabanejetik tas k’elel lij chameletik k’uchal mux chamik li ta Covid-19, k’uchal taj kolta jbatik ta yamtelik lij poxtabanejetik jech k’uchal taj na’tik ta, ch’ivit chiuk bu’tik chij amtej. Li lum Mexico xu me’ mux cham ti ta tsatsal chamel, ja me tas k’an lij pas tikuk li k’uxi mu’ xij ipaj ja jech la yal li Doctor Gerardo Gonzalez.
Ta yanantik ayej, jk’opojeletik ta tzeltal las k’anbik kolta’el li ajbalil ti mu’uk sna’kanbe sna’il li Guardia Nacinal ta yosilalik jech te las k’anbik noxtok li Fiscalia General del Estado de Chiapas li mu’uk stsakatik’el ta chukel li Jose Luis Gutierrez Hernandez chiuk li Cesar Hernandez Feliciano, li ja viniketik li uts’intabilik tas koj li ja’ik oyik ta xanubal tas koj spa’jesel li k’usitik chopolik chak’tal li ajbalil
Li ech ja’bil ta bo’lajunem octubre 2020, li policiaetik te la yilbajinik lij xanubaletik j’amteletik ta te’tik chiuk lij k’opojeletik ta tzeltal tey ta lum Chilon, tas koj li xanubal yunik ja me’ oyik ta yalel ti muyuk tas k’anik ta xich nakanel li Guardia Nacional (GN). Tas koj le ne’ te las tsakik batel oxim viniketik chiuk ep li laj yich’ik majel komel. Li militaretik te mekomik ta simtasbanej k’alalto laj li xanubal yun li vinik antsetik.
li ech bukum’xcha’vinik yun enero ta 2021 Juana Hernández, Gilberto Moreno, Juan Jiménez chu’uk Jerónimo Jiménez, li ja’ oy yamtelik ta lum maya tzeltal tey ta Chilon, chiuk li Centro de Derechos Humanos Fray Bartolome de Las Casas (Frayba) chiuk li Centro de Derechos Humanos Miguel Agustin Pro Juarez (Centro Prodh) te la yalik ti tas kol’taik lij nak’lumetik ta yalel ti musk’anik ta xich na’kanel li Cuartel General yun li Guardia Nacional ta yosilalik, yun muyuk bu’ jak’bilik mi tas k’anik, yun muyuk ich’atik ta muk lij nak’lumetik.
lij nak’lumetik Tseltaletik tey ta Chilon chiuk li yantik jtsomlejetik oyikme’ tas ma’lael lis tak’ubil yayejik yun li Juzgado Cuarto de Distrito, ti ak’u xal ti makuk’xa’ lis meltsanel sna’il. Li le ayej lo’il te ta xich ak’el ta na’el li xemana.
Lij belcha’bel loil ayej ja me’ patrocinio yu’un DW Akademie
Boch’o las jelum taj k’optik : Ana Lucia Lopez Hernandez
Boch’o las ts’iba taj k’optik : Maximiliano Lopez Perez
Gracias a
Sin comentarios aún.