Podcast 37 Tsotsil –  K’umex’elan kuxulik ti mej ts’isumetik ta paraje’etik ti li ta yora’il chamel

Resumen informativo COVID-19
Resumen informativo COVID-19
Podcast 37 Tsotsil -  K’umex’elan kuxulik ti mej ts’isumetik ta paraje’etik ti li ta yora’il chamel
Loading
/

Multimedia

Otros idiomas

Li me oyot ta ya’yel li ayej lo’il tas venta li jnak’lumetik vats’i vinik ants li ta Chiapas, li ja oy ta sbi’najesel li Chiapas paralelo, li ja’ik jtsomlejetik ta Alianza yu’un Medios de la Red de Periodista de a pie. Ta kaxlan k’op.

Li lunes bo’lajunem yun febrero ta 2021

Le’ xa’no’ox ta marzo 2020 paj lij bu’lal jkax’lanetik li taj lumaltik pe ja me te laj ayinuk sbo’kolik li boch’otik tax amtejik tax chonel li ts’isumiletik yun me’ muyuk sma’nel li yamtelik. Xi la yak ta na’el li Pie de Pagina.

Li mej luchum antsetik ja me tey ep laj yil sbo’kolik mu me’ ja’uk no’ox li muyuk tax ch’am li yamtelik, yunme’ muyuk bu’ otkinbil li k’usitik tas pasik.

Chim periodista’etik laj yich’bik yayejik li mej ts’isumetik tey ta lum Oaxaca, te la yalik ti tey ta lum oy jayibuk antsetik ja’ te kuxi’ik ti ta tak’in tak’batik tal yun li yuts yalalik ti ja te batemik ta Estados Unidos; pe li yanantik ja te y amtejik ta te’tik tas ts’unel li k’usitik sta’k lajesel; chiuk tey ochik tas jelanbel sba’ik li k’usitik tax lok’an yunnik.

Li li’ jabilne’ xu me’ oy sma’lael mi tax lik yan velta li chonulajel, oy me’ ta ma’la’el mi tax epaj sve’lal schonel li ts’isumiletik, k’alal mi jutukim xa li ch’amajel chamel chiuk mi k’alal oy xa epal vinik ants ti oy ta yich’el lis vacuna tas venta li COVID-19.

Li ta Chiapa, li ta bo’lajunem yun febrero, li ajbalil laj yak’xa’ mantal ti chij och yan velta ta semáforo verde, yun xa ja’ jutukiben lij chameletik; ja’ yun xu’ xa xij lok jpastik skotol li k’usitik mak’bilutik pe ja me’ tsots sk’olal ak’u jk’el jba’tik.

Li le’ ayejne’ muyuk me’ lek ta ayel laj ya’yik lij nak’lumetik te laj yalik ta redes sociales ti boch’otik ja’yim xot’kinik ti o yuts yalalik ti tsakatik o mi tsak’bilik li le’ ta virus, chiuk li boch’otik chamik, yun oy ep ti muyuk tsakalik ta ata’el.

Lij amteletik tas venta poxta’el chiuk li ajbalil te laj yak’ik ta na’el li ta Chiapa xu me tax lik ta ak’bel vacuna lij chanum’tasbanejetik, yun ja jech xu xa xlik’yak’ik chanunal, pe muyukto’me na’bil bak’in xu tax lik ak’batikuk sva’kuna’ik li vinik ants jchanum’tasbanejetik.

Ta yanantik ayejetik, li periodista’etik li’ ta Chiapa, ta Mexico, ta Guatemala, ta Honduras chiuk Nicaragua, te las bulana’nik jnak’lumetik ti ja’ik jts’unubajeletik ta banamil, li boch’otik tas k’elik li svek’sts’unubik, li ja’ik chak’bik yabil li be’lil tas na’ik, li ja’ik muyuk tas k’an ta xak’ik ta chonel li svek st’unubik ta muk’tikil empresa’etik, li ja’ik tso’bol tax amtejik chi’uk yuts yalalik.

Ja’ik me’ paraje’etik li kuxulik lek li ta yora’il chamel, oyik ta ts’unubajel, tas k’elik li sts’unubik, lis banamilik, ya’alik, te’tik, lekil ve’lil, yamtelik, jtsomlej yu’nik, xcha’nel yunik, kuxlejal chiuk jtsomlej yun stuk’ik tas lumalik.

Jech k’uchal li ta Chiapa, lij k’opojeletik ta zoque te la ya’lik k’ux’elan las tsom sba’ik chiuk k’uchal las tsak’ik yan velta li poxil yunik ta bo’mol ts’ilel, chiuk lax chanik k’usitik xu’ ta suts’inta lis banamilik.

Li yamtelik li le periodista’etik xu me cha’ k’el ta internet Chiapasparalelo.com

Li to ta Chiapas paralelo te to me ta xich aleltal. Lij belcha’bel loil ayej ja me’ patrocinio yu’un DW Akademie.

Boch’o las jelum taj k’optik : Ana Lucia Lopez Hernandez
Boch’o las ts’iba taj k’optik : Maximiliano Lopez Perez

Gracias a

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.