Podcast 43 Tseltal – Yaxpujk tayoxebal weltate chamel yu’un COVID, ya stsob sbaj bayal militaretik ta stiil te jlumaltik sok Guatemala

Resumen informativo COVID-19
Resumen informativo COVID-19
Podcast 43 Tseltal - Yaxpujk tayoxebal weltate chamel yu’un COVID, ya stsob sbaj bayal militaretik ta stiil te jlumaltik sok Guatemala
/

Multimedia

Otros idiomas

Yakal awaiybel jun yawil cholbil k’op ayej yu’un te bats’il ants winiketik ta Chiapas,te chajpanbil yu’un te Noticiero Chiapas Paralelo, te ya x-a’tej sok te Alianza deMedios de la Red de Periodistasde a Pie.

Yo’tik lunes balunebscha’winik yu’un marzo yu’un 2021

Te ajwalil yu’un México la yak’ ta nael te yakal ta pujkel tayoxebal welta te chamel yu’un COVID-19,ja’la ta swenta yu’un te ya xaa’tejukik cheb weltaxan-a yu’un sjulel te antswiniketik tamuk’ul lumetik yu’unMéxico.

Te subsecretario yu’unSalud, Hugo López Gatell,teswentainoyilel te a’teletik yu’un stejk’anel te chamel ta México, la yak’ ta nael te tema spisil tamuk’ul lumetik yu’un América Latinate spujkel te chamel yu’un COVID-19yakal ta bats’ijel, ja’ ya yak’tailel te schiknajelta yoxebal wel te muk’ul chamel ta spamal bajlumilal.

Ja’nix jich muk’ul lumetik yu’un Europa yakal ta k’axel yu’unik-ek te wokolil, ja’nix jich ta Chile, muk’ul lum te banti bejenemix bayal sok te julele, yakalta bats’ijel yu’unik te chamele.

Ta swenta te ini wokolil, te k’alal k’an yich’ julel p’ijubteswanejetik ta swenntasjamel te snaul nopjunetik, la yich’ nopel te ya yich’ tunel te poxil juleletik taantswiniketik yu’un te muk’ul lumetik jich bin ut’il te Estado yu’un México, Morelos, Puebla, Tlaxcala, Hidalgo sokQuerétaro,te bati ay bayalswinkile lum te ya xu stsakot te chamele.

Ta skajibalto-a te ja’wil,te jp’ijubteswanejetik yu’un Campeche, te estadoyu’un Méxicote bantibayalxank’ajk’al pejk’ajem te chamel, kajik ta julel ta swenta scha’kajelte p’ijubtesel ta snaul te nopjun; ja’nax yu’un,la yak’ik tanael te j-a’tel patanetik yu’un te nopjun, te poxul julel yu’unike ya xa yich’ tejk’anel.

Te subsecretario yu’unSaludla yak’ ta nael te maba xkejcha ta ak’el te poxil julel ta yantik estado, ta ini lumetik la yich pasel awilalteik yu’unyak’el te julele.

Ta Chiapas, te poxil julel la yich’ikak’beyelte semana k’axel, te mach’atik ts’akayel oxwinik ya’wilalik tamunisipioetik yu’un Comitán, Palenque, Villa Corzo sokVillaflores, Cacahoatán, Frontera Hidalgo, Suchiate, Tuxtla Chico sokUnión Juárez.

Ta yantik cholbil k’op a’yejetik, la stsobsbaj bayal militaretik ta stiil jlumaltik sok Guatemala. Te ajwaliletik yu’un México sok Guatemala la yak’ik ta nael te ya xa stunik bayal soldadoetik, ajenteetikyu’unmigración soktsakawetikyu’un stejk’anel te mach’atik lok’emik ta slumalik ta stiil teye’tal jlumaltik.

Te comisionado yu’un teInstituto Nacional de Migración (INM), Francisco Garduño Yáñez, la yal te mach’atik lok’emik ta slumalik yakalikto ta k’axel ta Tabasco sokChiapas, ta munisipioetik yu’un Frontera Corozal, Salto del Agua, Las Margaritas, El Suchiate, Ciudad Cuauhtémoc, Beneméritode las Américas,jich bin ut’il-ek ta yantikxanlumetik te ay ta stiil jlumaltike.

Bayalik ta jtul te lok’emik tal ta Centroamérica sok tayantikxan muk’ul lumetik yakalik ta ochel ta México te yask’an xk’ojtik ta Estados Unidos, antswiniketik te yask’an xlok’ik ta o’bolilesok ta swenta temayuk lek kanantayel ta slumalik.

Te ajwalilyu’un Estados Unidos, yu’unMéxico sok te muk’ul lum te banti ya xlok’ik tal te antswiniketik yakal stejk’anbelik, te yo’tike, tsakatik ta Chiapas antsetik, alaletik sok kerem ach’ixetik te lok’ slejik a’tel.

Li’ ta Chiapas Paralelo yatome jcholbeyexkotik te bintik ya xkojt ta pasele. Te k’opayej ini chajpanbil sok spatrocinio yu’un DW Akademie.

sk’asesel sok scholel te k’op ayej: Juan Gabriel López Ruíz

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.