Comité yuˈun te ONU la yakˈ ta nael sbatsˈijel te chˈayeletik ta estado

Desaparecidas

Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas, chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.

Jwojkˈ yuˈun chantul swinkilel yuˈun te Comité contra la Desaparición Forzada (CED) la yuˈlatay México te joˈlajuneb kˈalal ta wakeb schaˈwinik yuˈun noviembre ta 2021, kˈax ta oxlajuneb estadoetik, kˈaxem ta joˈeb yoˈwinik mukˈul najetik yuˈun te Poder Ejecutivo, Legislativo sok Judicial te la stsob sbaj soke, janix jich euk tsoblejetik te maba xchˈiko sbaj te ajwalil, la stsob sbaj sok bayal ta jtul te machˈatik stajojik te wokol sok bayal ta jwojkˈ tsoblejetik yuˈun te jlumaltik.

Te Comité contra las Desapariciones Forzadas yuˈun te Organización de las Naciones Unidas (ONU) la yakˈ ta nael te yaˈtel  ta stojol te uˈlataywane yuˈun ta México, ta swenta te bin utˈil akˈbil ta nael yuˈun te articulo 33 yuˈun te Convención Internacional ta stojol skanantayel spisil te ants winiketik yuˈun te elkˈanele, banti la scholik ta stojol schˈayel te antsetik ta chaˈoxpam yuˈun te jlumaltik México, te yala skˈaxuntay te ajtal akˈbil ta nael ta jlumnaltike te jaˈ joˈeb schaˈwinik porsiento. Ta campeche te yajtalule ya staj te jukeb schanwinik porsiento sok kˈaxem ta oxwinik porsiento ta Chiapas, Tabasco sok Yucatán, te ja bayal chiknajemik ta stojol te tut achˈixetik sok te chˈiel achˈix keremetike te tsakayem lajuneb kˈalal ta balunlajuneb yaˈwilalik.

Ta skˈoblalik te machˈatik ya skanantayik yochelik te chˈich bakˈete, chaˈoxtulik la yichˈik tsakel ta stojol te schˈiko sbajik ta aˈtel yuˈun te slejel sok yochintayel te chˈayeletike. Sok jaˈ ta stojolik te jujutsˈin chopoltayele, jich la yal te Comité.

Jaˈnix jich, te comité la schol te smelo yoˈtan ta stojol te schˈayel kˈaxem ta lajuneb schaˈwinik ta jtul te periodistaetik ta 2003 kˈalal ta 2021 te maba tajbilike, sok te chajpanbil aˈteletik mak swokolik te machˈatik yakˈo te mulile maba najtˈijem te aˈtelil yuˈune. Jaˈ ta stojol yuˈun te ya skaj wokoliletik kˈalal ya skˈan xkˈopojike sok te yochelik ta swenta snael stojol te bin yakal ta kˈaxele.

Ta yan la yalik, te slumal batsˈil ants winiketik jaˈnix jich utsimbilik euk yuˈun te chˈayeletike. Te ini ya xkˈojt ta chiknajel yuˈun te majtambajetik sok ta stojol te kˈinaletik te stsakoj sbaj sok te mukˈul aˈteletik yuˈun te ajwalil ta swenta slokˈesel yutsil te jmeˈtik lum, mak te poj sok yuˈuntayel te kˈinaletik ta swenta slokˈesel takˈin yuˈun te chopol tsoblejetik sok te yantikxan te jaˈnax ya smel yoˈtan ta stukele, sok te yanyantik bin utˈil ya schˈik sabajik mak te maba yichˈ ta wenta te bin yakal ta kˈaxel te j-aˈtel patanetike.

Jaˈ nix jich, kˈalal te uˈlatayele, te comité la yichˈ akˈbeyel snaˈ ta swenta schˈayelik yuˈun te machˈatik LGBTIQ+. Te ini jachbilik yuˈun te machˈatik ya skanantayik te ants winiketik sok te chopol tsoblejetike, jich euk te yanyantik bin utˈil ya schˈik sbaj te j-aˈtel patanetike.

Ta swenta te mayuk ichˈel ta mukˈ ta México jaˈ ya yakˈ ta ilel te ya xu xchikna sok snakˈel te chˈayeletik te ya yakˈ ta wokol sok ya skaj mel oˈtanil yuˈun te machˈatik stajojik te utsˈinele, te machˈatik ya skanatayik sok ya yakˈik ta nael te yochelike, te machˈatik ya x-aˈtejik ta tasjol te swinkilel lume ta slejel te chˈayeletike sok te ya yaˈtentayik te bin utˈil kˈojt ta pasel te swokolike sok ta spisil te ants winiketike, jich la yal te Comité.

Sok, la yal te smelo yoˈtan ta stojol te lajeletik te yak ta kˈaxel yuˈun te jlumaltik, te jun akˈbil ta naele, kˈaxem ta 52 mil te machˈatik lajemik te maba naˈbilik sbaje, te mukbilik ta mukˈul chˈenetik, ta snajul te machˈatik ya yilik te lajeletike, universidadetik, ta snaul tsakawanejetik sok ta awilaletik yuˈun lajeletik.

Te Comité la sten te jlumaltik ta stulanubtesel te aˈteletik ta swenta slejel te machˈtik chˈayemike, yakˈel koltayeletik sok takˈin te ya xtuˈun yuˈun te Comisión Nacional de Búsqueda sok te machˈatik ya xlokˈik ta aˈtel ta swenta ini wokolil, yilel sok schajpanel ta lek te aˈteletik ta komon spisil te tsoblejetik te schˈiko sbajik ta ini aˈtelil yuˈun lejaw, stsajtayel, schajpanel sok sjokinel te machˈatik stajojik te wokole.

Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.

Abril yuˈun 2022

….

Comité de la ONU reporta alto índice de desaparición forzada en el estado.

Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.

Una delegación de cuatro miembros del Comité contra la Desaparición Forzada (CED) visitó México del 15 al 26 de noviembre de 2021, pasó por 13 estados, sostuvo reuniones con más de 85 instituciones de los poderes Ejecutivo, Legislativo y Judicial, así como con organismos autónomos, se reunió con cientos de víctimas y decenas de organizaciones de la sociedad civil.

El Comité contra las Desapariciones Forzadas de la Organización de las Naciones Unidas (ONU) dio a conocer su informe sobre su visita a México al amparo del artículo 33 de la Convención Internacional para la protección de todas las personas contra las desapariciones forzadas, en el señala que la desaparición de mujeres en algunas entidades federativas supera el promedio nacional que es del 25 %. En Campeche el porcentaje alcanza el 67% y más del 60% en Chiapas, Tabasco y Yucatán, en su mayoría casos de niñas y adolescentes de 10 a 19 años.

En el caso de la situación de los defensores de derechos humanos, algunos de los cuales han sido desaparecidos como consecuencia de su participación en procesos de búsqueda y de lucha en contra de las desapariciones. Y para quienes las agresiones son una realidad constante, enfatizó el Comité

De igual manera, el Comité resaltó su preocupación por la desaparición de más de 30 periodistas entre 2003 y 2021. De ellos ninguno ha sido localizado y las investigaciones o sanciones a los responsables no han tenido avances. Dicha situación constituye una seria amenaza para la libertad de expresión y para el derecho de la sociedad a estar informada.

Por otra parte, señalaron que las comunidades indígenas también se han visto afectadas por desapariciones. Estas ocurren en un principio en el contexto de conflictos sociales y territoriales vinculados con el desarrollo de megaproyectos de índole minera o energética, o tras el despojo o acaparamiento de tierras para explotación económica por parte de grupos del crimen organizado u otros actores privados, con diferentes niveles de involucramiento o aquiescencia de servidores públicos.

Así mismo, durante la visita, el Comité recibió información sobre la desaparición de personas LGBTIQ+. Estas habrían sido cometidas por fuerzas de seguridad o por la delincuencia organizada con distintos niveles de connivencia de las autoridades.

La impunidad en México es un rasgo estructural que favorece la reproducción y el encubrimiento de las desapariciones forzadas y pone en peligro y causa zozobra a las víctimas, a quienes defienden y promueven sus derechos, a los servidores públicos que buscan a las personas desaparecidas e investigan sus casos y a la sociedad en su conjunto, dijo el Comité.

También, expresó su profunda preocupación por la crisis forense que enfrenta el país. Según datos públicos, más de 52 mil personas fallecidas no identificadas se encuentran en fosas comunes, instalaciones de los servicios forenses, universidades y centros de custodia y almacenamiento forense.

El Comité urgió a México a fortalecer los procesos de búsqueda e investigación, brindar apoyo humano y financiero adecuado a la Comisión Nacional de Búsqueda y a las comisiones locales, y asegurar la coordinación sistemática y efectiva de todas las instituciones involucradas en el proceso de búsqueda, investigación, reparación y acompañamiento a las víctimas.

Desde Chiapas Paralelo te seguiremos informando.

TRADUCTOR: Juan Gabriel López Ruíz

Abril del 2022.

 

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.