Te machˈatik lokˈemik ta slejel jun lekil kuxlejal la syomsbajik sok te “Viacrucis del migrante”

Chiapasparalelo
Chiapasparalelo
Te machˈatik lokˈemik ta slejel jun lekil kuxlejal la syomsbajik sok te “Viacrucis del migrante”
Loading
/

Viacrucis migrante
Foto: Isaac Guzmán

Yakalik ta bejel kˈalal ta CDMX

Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.

Ta slumal Tapachula te ayta frontera sur, Kˈaxem ta 2 mil ta jtul antswiniketik te yakal slejbelik jun lekil kuxlejal lokˈik ta bejel te kˈaxel domingo oxeb schaˈwinik yuˈun abril. Ta schebal kˈajkˈal te yakalik ta bejele kˈojtik ta kabesera munisipal yuˈun Huehuetán, tema wakeb schaˈwinik kilometro sbejlal te banti lokˈik tal te kˈaxel domingo.

Yoˈtan xkˈojtik ta Ciudad de México sok  yakukla x-akˈotik kˈaxel ta spamal te jlumaltik manchuk yichˈik chukel sok tsakel yuˈun te estasion migratoria, yoˈtan xkˈojtik ta yajkˈolal te jlumaltik  te jich ya sojlik kˈaxel ta Estados Unidos.

La syomsabajik sok te «Viacrucis del migrante», te ayix lajuneb jaˈbil chajpanbil yuˈun te tsoblej Pueblos Sin fronteras, yakal skˈanbeybelik te ajwalil yuˈun México te yakuk sjach jun mantal ta stojol te machˈatik talemik ta yantik lum kˈinal, te banti manchuk stejkˈan jilel ta jlumaltik te machˈatik lokˈemik ta slejel jun lekil kuxlejale.

Te machˈatik lokˈemik ta bejele skˈecho junetik, banti tsibabil te maba jich yoˈtanik sok te mukˈul najetik yuˈun te ajwalil, jich bin utˈil te Instituto Nacional de Migración (INM), jich-euk te slajel chawinik ta jtul antswiniketik ta jun xchiknajel tokal ta estasion migratoria yuˈun Ciudad Juárez.

Jichbin utˈil te yantikxan bejeletik, jokinbilik-euk yuˈun te tut kerem achˈixetik sok tut alaletik, te yakalik ta kuxinel-a tey ta Tapachula, ta jun tut naj te banti yakal smajleibelik-a te j-aˈtel patanetik te yakuk x-akˈotik lokˈel sok jich stsakel jajchel-xan te sbejike.

Te bin yakal schapel sok skˈanbelik te machˈatik yakalik ta bejele, jaˈ te yakuk xtujpˈ ta kˈaxel te INM. Yuˈun jich te Guardia Nacional sok yantikxan militaretik ya xkejchajik ta stejkˈanel te machˈtik lokˈemik ta slejel jun lekil kuxlejale.

Sok te yakuk yichˈ swokolik te machˈatik la sjachik te tokal tey ta Ciudad Juárez sok sjeluntesel te mantaletik yuˈun te machˈatik talemik ta yantik lume, te banti manchuk yichˈik chukel kˈalal ya xkˈaxik ta jlumaltike.

Ya skˈan nael, te banti bayal ya stsob sbaj te antswiniketik ja ta yeˈtal te jlumaltike, banti Tapachula kˈatpuj ta jun mukˈul awilal te banti yoˈtik ay ants winiketik yuˈun joˈlajuneb mukˈul lumetik, teme ya skˈan xlokˈike yala stojik te machˈa ya xtojlinteswane, te jich ya xu xlajik yuˈun.

Ta swenta skoltayel te machˈatik yakalik ta bejele te Comisión Nacional de los Derechos Humanos (CNDH)  la skˈambey jun lekil chajpanbil aˈtel te Instituto Nacional de Migración (INM), te Secretaría de Salud, te Secretaría de Seguridad y Protección Ciudadana, te Guardia Nacional, te Sistema Nacional para el Desarrollo Integral de la Familia (SNDIF), sok te Procuraduría Federal de Protección de Niñas, Niños y Adolescentes.

Ta Chiapas Paralelo yatome jcholbeyexkotik te bintik ya xk’ojt ta pasele.

La skˈases ta batsˈil kˈop: Juan Gabriel López Ruíz.

Tsˈibabil yuˈun Ángeles Mariscal

Febrero yuˈun 2023

…..

Migrantes se suman a la “Viacrucis del migrante”, avanzan con destino a la CDMX

Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.

Una caravana de más de 2 mil migrantes salió el domingo 23 de abril de la ciudad de Tapachula, ubicada en la frontera sur. En su segundo día de recorrido llegaron a la cabecera municipal de Huehuetán, unos 26 kilómetros delante de la ciudad de donde salieron el pasado domingo.

Buscan llega a la Ciudad de México y que se les otorgue la posibilidad de circular por todo el país sin ser detenidos y llevados a las estaciones migratorias, pretenden llegar a la frontera norte e intentar cruzar a Estados Unidos.

Se sumaron al llamado «Viacrucis del migrante», que durante diez años ha articulado la organización Pueblos Sin fronteras, quienes demandan que el gobierno de México implemente una política migratoria que no obligue a las personas migrantes a permanecer en este país contra su voluntad.

Los migrantes llevan cargando pancartas con consignas alusivas a su rechazo a instituciones como el Instituto Nacional de Migración (INM), y en particular por la muerte de los 40 migrantes en un incendio en una la estación migratoria de Ciudad Juárez.

Como en caravanas anteriores, van cientos de niños, niñas y bebes de brazos, quienes en Tapachula estaban viviendo en pequeños cuartos, hacinados en la espera de que autoridades migratorias les permitieran avanzar en su viaje.

Entre el planteamiento y demanda que está haciendo la caravana migrante esta la disolución del INM, se quiten las atribuciones para que a la Guardia Nacional y cualquier cuerpo militarizado participe en las labores de contención de la migración.

También garantizar que se castigue a los responsables el incendio de Ciudad Juárez y se modifique la ley migratoria para permitirles cruzar el país sin ser detenidos.

Hay que recordar que el primer gran embudo migratorio está en la frontera sur, y Tapachula se ha convertido en un gran centro de contención donde hay ahora mismo migrantes de más de 15 países, quienes si quieren salir tienen que contratar a traficantes de personas lo que pone en riesgo su vida.

Para que se asista a los migrantes que van en la caravana, la Comisión Nacional de los Derechos Humanos (CNDH) solicitó medidas cautelares al Instituto Nacional de Migración (INM), a la Secretaría de Salud, a la Secretaría de Seguridad y Protección Ciudadana, a la Guardia Nacional, al Sistema Nacional para el Desarrollo Integral de la Familia (SNDIF), y a la Procuraduría Federal de Protección de Niñas, Niños y Adolescentes.

Desde Chiapas Paralelo te seguiremos informando.

Traductor: Juan Gabriel López Ruíz

Abril del 2023

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.