Swinkilel slumal San Jerónimo Bachajón la stsajik te j-aˈtel patanetik yuˈunike, te ya x-aˈtejik ta yaˈwilal 2023-2025
Poblados de San Jerónimo Bachajón durante la elección de su comisariado ejidal. Foto: Cortesía
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas,
chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie.
Swinkilel slumal San Jerónimo Bachajón, te ay ta municipio yuˈun Chilón, la yuˈuntayik te aˈtel patanil ta ejido, kˈalal la stsajik te Manuel Gómez Hernández bin utˈil komisariado te ya xa aˈtejuk ta yaˈwilal 2023-2025. Te stsajel j-aˈtel patanetike mukˈ skˈoblal, ta swenta te ini lum kˈinal kˈax nabil sbaj ta Chiapas, te jaˈ yuˈun kˈax ilbil yuˈun te j-aˈtel patanetik sok te ajwaliletik, slejo bin utˈil ya xmonawanik, yuˈun te bitˈil ya yichˈ tunel te ini lum kˈinal, te jaˈ yuˈun ya schˈik sbajik ta stsajel te j-aˈtel patanetik yuˈun te ini lum.
Te sábado jukeb schaˈwinik yuˈun agosto, ta jun tsoblej te la yichˈ pasel ta yojlil te ejido, 1,037 ta jtul antswiniketik la stsajik skomisariadojik sok te bin utˈil ya x-aˈtejik te batsil antswiniketike, jaˈ te jolol j-atel patanil ta slumalik.
La yalik te antswiniketik, te stsajel jtuneletik ta skˈaxeltal baluneb jaˈwil kˈalal yoˈtike, te j-aˈtel patanil munisipaletik sok yuˈun te estado la stenik te swinkilel lume ta yichˈel ta mukˈ te jtuneletik tsajbil yuˈunke, te jaˈnax ya xtuenik ta schumbeyel te skˈopike, te maba jauk ya yichˈik ta mukˈ te swinkilel slumalike, ja yuˈun te yoˈtike ju schajpanbelik te ini atel, te banti maba chikna wokolil te ya yutsˈin snopojibal yuˈunik te swikilel lume, “maba la yichˈik monel, maba la yichˈik akˈbeyel takˈin; spisil kˈojtik ta lokˈel sok snopojibal yoˈtanik”.
San Jerónimo Bachajón maba la skˈan te mukˈul aˈteliletik te ya slokˈesbey yutsilal te lum kˈinale, kˈalal ya yutsˈin te bin ya xtuun yuˈunike sok maba pajalnax yoˈtan yijkitay te swinkilel lume.
“Ya skˈan yutsˈinik te yawil tsˈunojibal kuunkotike, te lokˈib jaˈetik, witsetik, najetik, chˈul kˈinaletik, poxil waˈmaletik, sok te bin utˈil yakotik ta kuxinele kˈalal ya xtenawanik, maba ya xcholik te skˈoblalul sok schˈamel te bin snopojibal kuunkotik ta stojol te mukˈul aˈtejibal yuˈunike jich bin utˈil te mukˈul bejetik, te sme kˈajkˈe, slokˈesel yutsilal te lum kˈinale sok bayalxan ta chajp aˈtejibaletik” jich la scholik ta 2014, kˈalal ta jun tsoblej maba la skˈanik te mukˈul bej te ya stsˈak San Cristóbal de Las Casas sok Palenque, te kˈan kˈaxuk ta skˈinalike.
Te ini nopojibalil yuˈunike, te jaik ya stsajik te bin utˈil ya yichˈ tunel te skˈinalike, chiknaj ta stojolik, tenel, milel sok chukel ta stojol te tujneletik yuˈunike, te kˈan sjachik yawil te Guardia Nacional (GN) ta slumalike, sok te maba jauk ya stsajik te jtuneletik yuˈunike, jaˈ yuˈun te ini slajibal sábado jukeb schaˈwinik yuˈun agosto la sjeluntesik.
Ta yan cholbil kˈop aˈyej te cheb schaˈwinik yuˈun agosto, te Secretaría de la Defensa Nacional (Sedena) la yichˈ jalbeyel yuˈun te Fiscalía General de la República (FRG) te mantal ta swenta stsajkel te jtab ta jtul swinikabik, machˈatik schˈiko sbajik ta schajyel te oxeb yoxwinik ta jtul normalistaetik yuˈun Ayotzinapa. Te general yuˈun División Alejandro Saavedra Hernández ja najil tsakbil ta jun.
Te tikonbil kˈope la sjach te juez yuˈun te procesos penales federales, te hay ta Toluca, Estado yuˈun México, kˈalal la yakˈ te mantal yuˈun stsajkel te oxeb yoˈwinik ta jtul te machˈtik ya x-aˈtejik ta yoxkajal mukˈul aˈteletik yuˈun te ajwalile, banti la yakˈ ta nael te FGR, te la schˈik sbajik ta stejkˈanel te aˈteletik yuˈun te bin kˈojt ta pasele.
Te militar kˈax toyol yaˈtel te tsakbil ta june jaˈ te general Saavedra Hernández, te yakala ta aˈtel bin utˈil comandante yuˈun te 35 Zona Militar, ta Chilpancingo. Janix jich-euk ochem te machˈa ay ta yeˈtal te yaˈtel, te comandante yuˈun te 27 Batallón de Iguala, José Rodríguez Pérez, te ochemla-a ta coronel, te yoˈtike stsako yaˈtel ta brigadier.
La yakˈ ta nael te Comisión de la Verdad, te aˈteletik tajbilik ta naele maba la schun spasik te yaˈtelike, ta skanantayel skuxlejal te machˈatik yakatik ta milel yuˈun te chopol tsoblejetike sok te polisia munisipaletik.
Ta spatilal slajel te nopjunetike, te wakeb schaˈwinik yuˈun septiembre yuˈun 2014, Saavedra maba jauknax te maba la yichˈ tsakele, la yichˈ abeyel bayal ta chajp smajtan sok smojel te yaˈtele, te tema kˈan kˈojtuk ta secretario yuˈun te Defensa Nacional.
Ta Chiapas Paralelo yatome jcholbeyexkotik te bintik ya xk’ojt ta pasele.
La skˈases ta batsˈil kˈop: Juan Gabriel López Ruíz.
Agosto yuˈun 2022
………
Habitantes de San Jerónimo Bachajón eligieron sus autoridades para el periodo 2023-2025 / La FGR ordenó la detención de militares implicados en la desaparición de los 43 normalistas de Ayotzinapa.
Estás escuchando un espacio informativo para las comunidades indígenas de Chiapas, producido por el noticiero Chiapas Paralelo, integrante de la Alianza de Medios de la Red de Periodistas de a Pie.
Habitantes de San Jerónimo Bachajón, ubicado en el municipio de Chilón, recuperaron el gobierno ejidal, al nombrar a Manuel Gómez Hernández, como comisariado para el periodo 2023-2025. La elección cobra relevancia porque esta región es política y geográficamente uno de los principales ejidos en Chiapas, lo que lo coloca en la mira de la clase política y gobernante, que ha buscado controlar las decisiones sobre el uso y destino de esta tierra, a través de la imposición de autoridades.
El sábado 27 de agosto, en una asamblea que se llevó a cabo en el centro del ejido, 1,037 ejidatarias y ejidatarios eligieron mediante el sistema normativo indígena a su comisariado, la máxima autoridad en su región.
De acuerdo a las y los ejidatarios, en las elecciones anteriores de 9 años a la fecha, las autoridades municipales y del estado confrontaron a la población para imponer a autoridades ejidales que sirvieran a sus intereses y no a los de la población. Ahora lograron llegar al proceso sin ningún evento que violentara la decisión de los pueblos y comunidades “sin que se compraran conciencias, sin que se diera dinero; todos llegaron por su libre decisión”.
San Jerónimo Bachajón se ha opuesto a la imposición de proyectos extractivos que minan su territorio al afectar la economía local y colocan a la población en condiciones de desigualdad.
“Quieren destruir nuestras parcelas de cultivo, manantiales de agua, montañas, viviendas, acahuales, lugares sagrados, plantas medicinales y, sobre todo, nuestra propia cultura al imponer, sin informarnos y escuchar nuestra palabra, sus grandes proyectos como autopistas, presas hidroeléctricas, explotación de minas y diversos programas” oficiales, explicaron en 2014, cuando mediante asamblea, se opusieron a que la autopista que comunica San Cristóbal de Las Casas con Palenque, pasara sobre su territorio.
Esta decisión de ser ellas y ellos quienes elijan el uso y destino de su tierra y territorio, les trajo actos de represión, asesinato y encarcelamiento de líderes comunitarios, intentos por instalar un cuartel de la Guardia Nacional (GN) en su ejido, y la imposición de autoridades ejidales, echo este último que el sábado 27 de agosto, lograron revertir.
En otras noticias el 22 de agosto, la Secretaría de la Defensa Nacional (Sedena) fue notificada por la Fiscalía General de la República (FRG) de las órdenes de aprehensión giradas en contra de 20 de sus elementos implicados en la desaparición de los 43 normalistas de Ayotzinapa. El general de División Alejandro Saavedra Hernández encabeza la lista.
La notificación se dio luego de que el juez segundo de procesos penales federales, con sede en Toluca, Estado de México, autorizó las 83 órdenes de aprehensión en contra de funcionarios de los tres órdenes de gobierno que, de acuerdo con la FGR, intervinieron en la investigación de los hechos.
El militar de más alto rango en la lista es el general Saavedra Hernández, quien fungía como comandante de la 35 Zona Militar, en Chilpancingo. También está implicado su subordinado inmediato, el comandante del 27 Batallón de Iguala, José Rodríguez Pérez, quien entonces era coronel y hoy es general brigadier.
Según la Comisión de la Verdad, los mandos involucrados incumplieron su deber de intervenir para salvaguardar las vidas de los civiles desarmados, que estaban bajo ataque de criminales y policías municipales.
Después del ataque a los estudiantes, el 26 de septiembre de 2014, Saavedra no sólo no fue investigado, sino que recibió una serie de premios y ascensos que dejaron cerca de convertirse en secretario de la Defensa Nacional.
Desde Chiapas Paralelo te seguiremos informando.
TRADUCTOR: Juan Gabriel López Ruíz
Agosto del 2022
Sin comentarios aún.