Yayejal kuxi xu , chij kol ta coronavirus. (Tsotsil)
Video:
Audio:
Li tax kaltalel j´ebel chabeluk k´uts kalaltak , ti jayim cha´loilajik taj koptik tzotzil.
Ti kux elan chal noticiero Chiapas paralelo, ti bochotik ja yu un li , alianza de medios de la red de periodistas de a apie , ta kaxlan kop.
Lunes vakim yual abril 2020.
Li chamel coronavirus oy me ta epajel. ta me s´tsatsaj , ti li ta jun chim k´akal batel, xi laj yal ti ajbalil Andrés Manuel López Obrador,ta vo´om yual abril.
Ti taj lumaltik Mexicoe oyxa 2 mil tsakbilik, ti li ta boom yual abril, ta Chiapas 25 ipik xa.
Ti jpoxtabanejetike chalik ti oy epe, yun muyuk ep sk´elubil tí ta snail poxtaumbaile, pe oy ep li jchameletik ti oy sk´ok, obal, k´ux sbektal mu xu chich ik.
Li ajbalil ta sjunul Mexicoe la yal, ti ja noox xu chích k´elel 6 mil ti ta snail poxtaumbail, ja noox tí boch´o xa ep ipik, o me mu xa xu chích ik. Te la yal ti tas nail poxtaumbail yuun soltaroetike , ti xu tas kel 1,300 jchameletik.
Mu to me´ nabiluk ti me xu´ tax kich tik k´elel jkotoltik ti jayim xu chij ipaje.
Ta Chiapa ti jamtel José Manuel Cruz Castellanos , la yal ti boch´o tsots ip tí ta corona virus, ta me xich k´elel tí ta snail poxil ti bu ja to oy ta meltsanel.
Ti oy ta meltsanel ti ja noox xu ch´och ti bocho xa tsots ip tí ta coronavirus ja te ta Tuxtla gutierrez Tapachula, Villaflores, Tonalá, Pichucalco, Reforma, Palenque, Comitán chuik ta jovel.
Ti li ta boom yual abril ja to noox oy ta Tuxtla Gutiérrez, Tapachula, Palenque y Reforma.
Tas venta Li chamel ti oy ta epajelne´, jpoxta banejetik, me´ jtamoletik, xchiuk yantik jtsomlejetik ti oyik ta jlumaltik, te la yal sk´opik ti ja me tsots sk´oplal ti jkel jbatike, tí kuchal muj chamtik.
- Ja la yalik: ti akume´ sbok sbaik chim semana ti boch´o sutik tal ta amtel ta nome aku x´chak sbaik, ja me jech tax kiltik me muyuk sch´amojiktal ti coronavirus .
- mu me s´nop li mol meeletike boch´o ip ta azucar, boch´otik oy yanantik x´chamel ta yichum ik ch´iuk anst ti oy ta olol, ja me tsots sk´olal ta k´elel ti bocho oy yan xchamelike chiuk mol meeletik, yu me ja anil tax cham.
- Li jtsomlej jtamoletik nichim ixim sbie ti ta Chiapa ti jaik 500 antsetike, ta 30 kosilaltik, te la yalik ti xu tas k´elik ti antsetik boch´otik oy ta olol , te la yalik noxtok ti muyuk alcohol yunik , smak eil , spix sk´obik ,xabon. Te la yalik ti ta yantik poxtaumbail ti muyukxa k´elel yunik ti antsetike, ja yuun las sk´anik ti j´amteletik ti akume oyuk bu xu chich k´elel ti antsetik ti oyik ta olol, ti bu mu xu tas xchamik ti coronavirus, ja yuun tsots sk´olal akume oyuk yamtejemik ti me´ jtamoletike.
Jech k´uchal ti ta jujun parajetik , oyuk me chapal k´op yuun lij amteletik sventa kuxi ta k´elel ti boch´o ch ipajike
Te la yalik:
- Oyukme snail , kuchal casa ejidal, tas venta li boch´o tax ipajike, ak´ume te noox komuk ta k´elel, ja me jech mu xu´ ta sjelumtasve yan vinik ants .
- Li jk´elbaneje ak´ume stunes smak ye, smak sk´om , jech noxtok ak´ume mu sjelumtasve yobal, mu me spik sat, aku me spok sat ta xabon ja me jech muxch´am li chamele .
- Ja to me xu´ xbat ta poxtaumbail ti me yun xa mu xu ta xich ik, k´elome oy bo´ ta xuch spoxil sbenta k´ok .
- Ak´ume yich k´elel taj amteletik ti bu xu´ ta ik´el ti me tsots xa ipe, k´elel bu lek snail poxil ta xbat
Li ta kosilaltik Chiapa paralelo, te to me ta xich aleltal, ti li jbel chabel loile, ja me patrocinio yu´un DW akademie.
Ti bucho las jelumtas ta koptik ja: Ana lucia López Hernández.
Bucho las tsiba ja: Maximiliano López Pérez
Gracias a:
Sin comentarios aún.