Te Chi’il ja’etik ya yuts’in te bak’etalil, sok te ch’in lumetik yakalto schombelik. (Tseltal)

Video:

Audio:

Descargar archivo de audio

Nok’ol awaiybel, jun k’op ayej te bajem ta swenta yu’un te bats’il antswiniketik ta Chiapas, te chajpambil yu’unte Noticiero Chiapas Paralelo, te ya x-a’tej sok te Alianza de Medios de la Red de Periodistas de a Pie.

Miércoles baluneb schawinik abril yu’un 2020

Te mach’atik stsakot ta chamel yu’un coronavirus COVID-19, ya xu xlajik teme ay yan schamelik jich bit’il te diabetes, hipertensión sok obesidad.

Te diabetes, hipertensión sok obesidad. Ya xchiknaj ta bayal ta stojolik te mach’atik ya stu’unikuch’ibaletik te bayal yasukal. Jich bit’il te chi’il ja’etikte ay ta limetaetik, jich la yalik te poxtawanetik yu’un te Secretaría de Salud.

Te chi’il ja’etik te ay ta limetaetik, te ja’bit’ilte uch’ibal Coca-Cola,te bayal ya yu’ch’ik ta slumalik te bats’il anst winiketik ta Chiapas.

Te muk’ul tsoblejetik Agua y Vida, Centro de Capacitación en Ecología y Salud para Campesinos, sokCEPAZ Derechos Humanos,la yalik te mel o’tantik sbaj k’alal yorail te wokolil yu’un te chameletik ta stojol te coronavirus COVID-19, te muk’ul chombajel COCA-COLA bayel moj taspas te chi’il ja’, tey ta sfabrica ta San Cristóbal de las Casas.

Tijawanik ta k’op ta swenta yu’un telumetik, banti te swinkilele la smakik te yochel ta mach’atik maba kuxatik tea ta swenta stejk’anel te chamel, ja’nax yu’un la yak’k’axuk te karoetik yu’un puk chi’il ja’, te ja’ yakal yuts’inbel te skuxlejal te swinkilel lum.

La yalik, te sociedad civil yakuk skan ya xtejk’aj spasel te chi’il ja’, sok stejkanel tebuk te yu’ch’el k’alal yorailto te chamele.

Te waxakeb scha’winik yu’un abril, ta Chiapas te yajtalul te mach’atik tsakatik ta chamel yu’un COVID-19 ja’ 147 ta tul. Sok juklajuneb scha’winik te mach’atik lekubenikix. Te banti tojyem yajtalul te chameletike ja ta capital yu’un Chiapas, Tuxtla Gutiérrez.

Ta spamalMéxico ay 16,752 chameletik te nabil stojol; 1,569 lajemikix ta swenta yu’un te chamele

Ta yan cholbil k’op ayejetik, polisiaetik sok swinkilel lum sok stujk’ik te yakal sch’umbelik sk’op te a’telpatanetik ta municipio yu’un Yajalón, te lunes jukeb scha’winik la smajik te swinkilel lum yu’un te municipioyu’unTumbalá, te yakalik ta tenaw ta swenta temakbotikte sbejikte ya x-och ta slumalike, jalbotik te maba xu ya xk’axik ta swenta te «filtro sanitario» te la yak’ik ta stojol te COVID-19.

K’alal makbotik te bej, te swinkilel lum yu’un Tumbalá maba xu’ xlokik ta smanel sweel yu’ch’elik sok maxu’ xbajtik ta clínica sok ta muk’ul nail poxiletik.

Li’ ta Chiapas Paralelo yatome jcholbeyexkotik te bintik ya xkojt ta pasele. te k’op ayej ini chajpanbil sok spatrocinio yu’un DW Akademie

Traducción y locución (sk’asesel sok scholel k’op ayej): Juan Gabriel López Ruíz

 

Gracias a:

Sin comentarios aún.

Deja un comentario

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.