COVID-19 la sk’asesbey te chamel te chukel bats’il ants winiketik ta chukojibal yu’un San Cristóbal. (Tseltal)

Video:

Audio:

Transcripción:

Nok’ol awaiybel, jun k’op ayej te bajem ta swenta yu’un te bats’il antswiniketik ta Chiapas, te chajpambil yu’un te Noticiero Chiapas Paralelo, te ya x-a’tej sok te Alianza de Medios de la Red de Periodistas de a Pie.

Sábado oxeb scha’winik yu’un mayo yu’un 2020

waxaktul chukel bats’il ants winiketik ta chukojibal yu’un San Cristóbal de Las Casas, te ochemik ta tsoblej yu’un Solidarios la voz de El Amate, tsakotik ta chamel yu’un COVID-19.

Te chukeletik la yich’ik makel tey ta snail poxil yu’un te chukojibal. Sok te chukeletik tijawanik ta k’op te k’alal k’ax te yuil yu’un abril, ta swenta te mayuk a’teletik yu’un skanantayel sbajik, ta stojol te mayuk lek yu’unik te ja’ sok te xapon, sok temach’atik la yich’ik tsakele mayuk smajkil yejik k’alal ochik ta chukojibale.

Te chukeletik te yo’tik tsakatik ta chamele, nok’olikto ta tenaw ta swenta yak’el ta nael te maba lek yakatik ta a’tel sok ay uts’enwane ta stojolik yu’un te chukawetik te ja’ swentail te tsakatikto tey ta chukojibal yu’un San Cristóbal de las Casas.

Yan tsoblej yu’un chukeletik kajik ta sts’ikel swi’nalik ta swenta sk’anel te yakuk yich’ik ilel yu’un jich maba stsakotik ta chamel. Ya sk’anik te yakuk x-ich’otik ta wenta yu’un te Ley de Amnistía te la yak’ ta nael te gobierno federal, yu’un ya yich’ik koltayel lok’el te chukeletik te ay tulan schamelik sok teme meel mamalixe.

Sok-ek, tey ta tsakojibal yu’un te antsetik, ya sk’anik, te mach’atik ay snich’anik sok ay tulan chamel ta stojolik, te yakuk xkoltayotik lok’el sok te ley de Amnistía.

Te coronavirus COVID-19 la sk’asesbey-ek te chamel, te bats’il ants winiketik lakandonetik yu’un te chi’n lum Lacanjá Cansayab, ta Ocosingo.

Te lakandonetik la yak’ik ta nael te mayuk nopol nail poxil ta slumalik, sok maba snaik bit’il yich’ kanantayel te mach’atik tsakatik ta chamel, te banti tsakal ta chamelek te Alfredo Chancayun Kin, presidente yu’un Consejo de Vigilancia. Ja’ yu’un la sk’anbeyik ilel te a’telpatanetik yu’un poxil.

Te coronavirus yakalto ta beel ta yanyantik municipioetik yu’un Chiapas, ta cheb scha’winik yu’un mayo ay 972 ta jtul te mach’atik tsakatik ta chamel te jich yajtalul ak’bil ta nael, ja’nax yu’un, ja’ mojem bayalxan te yajtalul te mach’atik tsakatik ta chamel te maba yich’ojik ilel.

A’telpatanetik yu’un te ajwalil, la yak’ik ta nael ta stojol te matoba ayuk spoxil julel o yilojibal te chamele, ya sk’ambeyik te swinkilel lumetik teme ta skajibal te chamele maba tulan, yakuk xjilik ta snajik sok yilel ta lek te sk’ajk’ike.

Li’ ta Chiapas Paralelo yatome jcholbeyexkotik te bintik ya xkojt ta pasele. te k’op ayej ini chajpanbil sok spatrocinio yu’un DW Akademie

Traducción y locución (sk’asesel sok scholel k’op ayej): Juan Gabriel López Ruíz

 

Gracias a:

Sin comentarios aún.

Deja un comentario

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.