Swinkilel cha’oxpam lumetik maba sk’anik sch’unel te tsitsel yu’un maba stsakotikte chamele. (Tseltal)

Video:

Audio:

Descargar archivo de audio

Nok’ol awaiybel, jun k’op ayej te bajem ta swenta yu’un te bats’il antswiniketik ta Chiapas,te chajpambil yu’unte Noticiero Chiapas Paralelo, te ya x-a’tej sok te Alianza de Medios dela Red de Periodistas de a Pie.

Sábado schebal sk’ajk’alel mayo yu’un 2020.

Swinkilel te ch’in lumetik yu’un Nueva Palestina,swinika’b te bienes komonales yu’un te Selva Lacandona, la sk’ambeyik te a’telpatanetik ta Chiapas yu’un xk’opojikta swenta yu’un, te tey ta slumalik yakuk yich’ik ta muk’ te tsitsel yu’un stejk’anel te spujkel te chamel coronavirus COVID-19.

Te sk’anelkoltayele la yi’ch’ pasel ta spatilal te k’alal laj tul pastor evangélico, te ch’aybajel ta balumilal ta swaxakebal scha’winik yu’un abril, te chiknata stojol techamel yu’uncoronavirus COVID-19.

Jich la yal te jun la spasik te cha’oxtul komuneroetik te la stikonik bael ta stojol te a’telpatanetik yu’unte estado yu’un Chiapas, k’alal yakal ta chamel-a, te pastor ma’ la sk’an bajel ta cabecera municipal yu’unPalenque o Benemérito de las Américas, yu’un ya yak’ sbaj ta ilel.

Ta spatilal k’ajk’aletik, cham, sokte sbak’etal la yi’ch kanantayel, te ja’me stojol yu’un te ya xu xpujk te chamel tey jpam lum, te me cham ta swenta yu’un te COVID-19.

Te k’op la sjachike ya yal te ay jo’ tulxan te mach’atik ay sk’ajk’, yojbal sok ja’ch’ujt , sokxan la yalik ta spisil te mach’atik kuxatik tey lum nok’olto stsobel sbajik ta jamalal, sok mayuk yu’unik te bin ya xtu’un ta skanantayel sbajik te ya sujawanik ta stu’unel yu’un maba stsakotik te chamele.

Ta stojol te chopolil ini te maba yakal ta t’unel te tsitsel, ya xi’ik teme tey ta zona selva ya xpujk te chamele.

Te maba yakal ta paselte tsitselyu’un skanantayel jbajtike,ay-ek tan yantik municipioetik ta Chiapassok ta estado de México.

Tey ta municipio yu’un Suchiapa, te ay ta zona centro yu’unChiapas,ta wakeb scha’winik yu’un marzo te swinkilel lum la spasik k’inetik.

Te samana ini lajeltoyek’belikta ilel jun a’telil te banti yaxchol te bit’il tey ta Ciudad de México, ja’nax chaneb ta jujun jo’tul te ya xjiliktasnaj.

A’telpatanetik yu’un te Secretaría de Saludla yak’iktanael te ta lumetik banti teswinkilel maba xlok’ik, maba stsakotik ta oranax te chamele.

Ta Chiapasta skajibal yu’un mayo, ayix 195 te mach’atik ay schamelik yu’un te coronavirus COVID-19; baluneb te lajemikix.

Te banti bayal te chamele ja’ te ta capital, Tuxtla Gutiérrez, sok61 te tajbil taileltea.

Ay jo’lajunebtaSan Cristóbal de Las Casas, buluchebtajbil taPalenque, oxebtaAltamirano, oxebtaYajalón, chebtaLa Independencia, wakebtaComitán, waxakebtaOcosingo, chebtaTila, tultaChenalhó, tultaSalto de Agua. Sok bayalxan ta yantik municipioetik.

Li’ ta Chiapas Paralelo yatome jcholbeyexkotik te bintik ya xkojt ta pasele. te k’op ayej ini chajpanbil sok spatrocinio yu’un DW Akademie

Traducción y locución (sk’asesel sok scholel k’op ayej): Juan Gabriel López Ruíz

 

Gracias a:

Sin comentarios aún.

Deja un comentario

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.