Podcast 34 Tseltal – Te covid-19 ja’me k’ax tulanxan k’alal ya xweuch’ik bayal ta tul ants winiketik ta tut awilaletik.

Resumen informativo COVID-19
Resumen informativo COVID-19
Podcast 34 Tseltal - Te covid-19 ja’me k’ax tulanxan k’alal ya xweuch’ik bayal ta tul ants winiketik ta tut awilaletik.
Loading
/

Multimedia

Otros idiomas

Yakal awaiybel jun yawil cholbil k’op ayej yu’un te bats’il ants winiketik ta Chiapas, te chajpanbil yu’un te Noticiero Chiapas Paralelo, te ya x-a’tej sok te Alianza de Medios de la Red de Periodistas de a Pie.

Yo’tik lunes jo’eb scha’winik yu’unenero yu’un 2021.

Te spitel sbaj ants winiketik sok teme lek ya xbeen te ik’ta awilaletikte banti kuxulotik, te banti ya xbotik ta a’tel mak ta mambajel tulanme sk’oblal yu’un maba stsakotik te chamel. Jun tsajtaybil a’telil te lajelto ta pasel yu’un te organización Hábitat para la Humanidad, la staj te ay chajpanbil a’teletikte ya yalta lekte k’alal ta jtejk’lum mak ta naj kuxatik bayal ta jtul antas winiketik ta junax, ya xmojxchiknajelte lajele ta swenta tsakelta chamelyu’un te covid-19.

Ta sk’op Coneval, ya xu ta jalel te kuxinel ta tsobol,ja’metek’alal k’axem ta cheb ants winiketik ya xwayik ta junax wayib naj.

Ta junax sok Coneval te kuxinel ta tsobol mak te kuxinel ta junax awilal te banti ya sweuch’ bayal ta jtul ants winiketik ta jun tut awilal, ya xmoj xchiknajel te tsakel ta chamelta swenta yich’el ik’ sok te ch’ujtul, sok ya xtulanub bayal k’alal maba ayuk lek biluketik te ya xtu’une jich bin ut’il te sch’ayubil chopol ja’ sok telekil ja’

Te tsajtaybil a’telil pasbil yu’un te Hábitat para la Humanidad ya stsak lok’el k’opetik yu’un INEGIte banti ya yal te ayinel ta tsobol te k’ax k’ajyem ta pasel ta ants winiketik te o’bol kuxatike, ta ch’in lumetik te k’ejel ayik, sok te mach’atik ya xk’opojik ta bats’il k’op.

Jaxan la yich’ tajel,te ants winiketiktekuxatik ta munisipioetik soktoyol yajtalulik te junax ayik ta kuxineleya me xu xchiknaj ta stojolik te lajel ta swenta covid-19: te kuxinel ta tsobol pajal ay sok te sp’isol6.8 te ya xu xlajik yu’un covid-19, janix jichya xlok’k’alal te ants winiketik yayich’ik ilel yu’un te poxtawanejetike.

Te cha’winikpor ciento yu’un te mach’atik ayineliktosok k’alal ta jo’lajunebya’wilalik,kuxatik ta najetik te toyol yajtalulikte tsobol ayike; k’alal te ants winiketiktoyol sch’ijelik yu’unoxwinikya’wilalikja’ik te maba xtajotik lek te wokolile, ta swenta te ja’nax jo’ebpor ciento kuxatik ta naj mak awilaletik te bantitsobolik ta kuxinele.

Te me ya ak’an anabeyxan stojol te ini a’telil ya xu awulatay te jkawilkotik ta internet: chiapasparalelo.com

Ta yan sk’oblal. Ta Chiapas te k’axel oxlajuneb yu’un enero jul te skajibal jwojk’ poxil juleletik, jaxan ini te j-a’teletik yu’un te sección juklajuneb yo’winiksok te waxaklajuneb yo’winik yu’un te Sindicato Nacional de Trabajadores de la Secretaria de Salud(SNTSA)la yak’ik ta nael te maba jich yo’tanik sok te maba abotik te poxil julel yu’un te covid-19.

Ta swenta ini, la yalbeyik te José Manuel Cruz Castellanos, Secretario de Salud yu’un te estado,te sk’asesel ta ajnimalnax te poxil juleletik yu’un skanantayel te j-a’teletik sok jich ya xu yilik te chameletike.

Jaxan te k’axel jo’lajuneb yu’un enero, Jesús Espinoza De los Santos, SecretarioGeneral yu’un teSección lajuneb yoxwinikyu’un teSNTSAla stikonbey chajpanbil junteRutilio Escandón Cadenas, ajwalil yu’un teestado,te banti ya scholbeyta swenta skanantayel te yochel ants winiketik, te a’tel sok slekilal te j-a’teletik yu’unsnaul poxil tejaik la te muk’ sk’oblalike.La sk’an te ajwalil yu’un te estado te ak’a nojpteswanuk ta spasel a’teletik ta swenta stejk’anel te chamel ta ajnimalaxsok te st’unel te tsitselak’ibil ta nael yu’un te p’ijil ants winikteik te la yich’lan pasel ta bajlumilale, ta swentayu’un tesbats’ijel schiknajel te mach’atik ay sok te chamelesok ta swenta te ya xu xnoj bayal te snaul poxiletike.

Ta slajibal,la sk’an teyich’el ta muk’mantaletikta swenta slekilalik ta snaulpoxiletik, sjulel spisil te mach’atik yakatik ta a’tele, sok yich’el ta spisil k’ajk’al sok te ayuk lek te binya xtu’un yu’unikta juju tul, janix jich slejel ta ajnimalnax yach’il a’teletik.

Ta yantikxan cholbil k’op ayejetik te k’axel jun scha’winik yu’un enero yu’un 2021 la yich’ kajel a’teletik yu’un snael te lajuneb ja’wil slajel tejTatikSamuel Ruiz, bayalik te a’teletik initeya xu ta ilel mak slejel ta internet ta pagina: samuelconstructordepaz.orgte ya xutailelta ch’ajan tak’insokst’unel te chajpanbil a’teletikte yak ta talelta Facebookte ya xk’ojt tajo’eb scha’winik sok waxakeb scha’winik yu’un enero. Ta swentast’unel te chajpanbil a’teletik ta Facebookya xu kalejte k’op VivajTatikSamuel.

Jtatik Samuelayin ta oxebyu’un noviembre yu’un 1924 ta Guanajuato: obispo katoliko sok kanantaywanej yu’un te yochel bats’il ants winiketik yu’un México sok Latinoamérica, la schajpan jun a’telil yu’un koltawanej yu’un te diosesis tastojolik te swinkilelbats’il antswiniketik ta ch’in lumetik sok jil bit’il tojlinteswanej yu’un te Ejercito Zapatista de Liberación Nacional (EZLN)sok te ajwalil yu’un México.K’ojt taabeyel te Premio Simón Bolivar yu’unUNESCOta swentate ya’telesok te yak’oj yo’tan ta spasel te slamalilk’inal,sok yakel ta ilel te yich’el ta muk’ te mach’atik ch’aybilk ta o’tanile sok te yochelik binut’il ch’ich bak’et. Te jtatik Samuel Ruizcham te chaneb scha’winik yu’un enero yu’un 2011.

Li’ ta Chiapas Paralelo yatome jcholbeyexkotik te bintik ya xkojt ta pasele.

Te k’op ayej ini chajpanbil sok spatrocinio yu’un DW Akademie.

sk’asesel sok scholel te k’op ayej: Juan Gabriel López Ruíz

Gracias a

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.