Podcast 38 Tsotsil – La xa yich 30 mil vacuna mol’me’eletik ta 60 sja’vilalik li ta Chiapa pe sk’antome 320 mil

Resumen informativo COVID-19
Resumen informativo COVID-19
Podcast 38 Tsotsil - La xa yich 30 mil vacuna mol’me’eletik ta 60 sja’vilalik li ta Chiapa pe sk’antome 320 mil
Loading
/

Multimedia

Otros idiomas

Li me oyot ta ya’yel li ayej lo’il tas venta li jnak’lumetik vats’i vinik ants li ta Chiapas, li ja oy ta sbi’najesel li Chiapas paralelo, li ja’ik jtsomlejetik ta Alianza yu’un Medios de la Red de Periodista de a pie. Ta kaxlan k’op.

Li lunes chim’xcha’vinik yun febrero ta 2021

Li ech ta’lel xemana, te me’ laj yich likesel yak’el li vacuna li ta Chiapa tas venta li covid ja laj yich’ik li mol’me’eletik ta 60 sja’bilalik tey ta lumetik Arriaga, Tonala, Pijijiapan chiuk Escuintla.

Pe lij nak’lumetik jech k’uchal tey ta lumetik Tapachula, Tuxtla Gutierrez chiuk San Cristobal te me ayik ta lumetik bu’tik ta xich ak’el li vacuna tas k’anel ti ak’u xich’ik akbel ek.

Te la yalik li boch’otik ja oyik yamtelik ta yak’el li vacuna te las ma’laik mi tax k’otik epal mol’me’eletik tey ta lum Arriaga, Tonala, Pijijiapan chiuk li escuintla. Pe muyuk me xk’otik.

li periodis’taetik te me las ta’ik ta k’elel ti ta vik’takil lumetik ti nomtik to’ oyan ta yolil jtek’lumetik, ti muyuk lek li mantaletik la yich’ik, ti k’uchal junuk yontonik ak’u yich’ik li vacuna, chiuk yayejal slo’ilal k’uxi ta ich’el li vacuna, jech muyuk ta xich ch’amel li chopol k’op.

Li vinik ants ti boch’otik’xa’ la yich’ik li vacuna, ja me’ tas k’an ti ak’u xich’ik yan velta ta jun’xcha’vinik k’ak’al, ja tas k’an chal li k’uchal xtun li poxil ja tas k’an ta xich ich’el chim velta.

li ta Chiapa xu me oy 350 mil mol’me’eletik ti ja xa’ yich’ojik 60 sja’bilalik, ja yun yepal to’ sk’an ti boch’otik muyuk to’ yich’ojik li vacuna.

Lij amteletik muyukto’me’ yak’ojik ta na’el butik lumetik tas pukananik’el li poxiletik.

Li xemana lajtal, te xa me’ ts’aki jun ja’bil sbu’lel tal li chamel li taj lumaltik Mexico, ja k’alal laj kay be’tik ya’yejal li COVID-19.

Li le ne’ te me likik ta amtel lij poxtabanejetik ta jujun sna’il poxta’el, te tsots sk’olal lik li yamtelik, pe te me ep laj yay sbo’kolik, jech no’xtok te ipaji’ek.

Periodista’etik te laj yich’bik ya’yej lij poxta’banejetik ta sna’il poxta’el te las ta’ik ta ayel ti ja jech ta xalik k’uchal ta xal skotol jna’lumetik li ta Mexico, lij poxta’banejetik boch’otik tas k’elik lij chameletik muyuk bu’ lek tojbilik, oy jayibuk ti oy no’ox sk’ak’alil tax amtejik ti muyuk bu’ lek sta’ojxa li yamtelik chiuk ti ja’ jpoxta’banejetik ti molikxa’ li oyikxa ta 50 sja’bilalik pe ja xa me’ muyuk lek yip’ik k’uchal li boch’otik keremik’to.

Chiuk ti ja xa’ ipik ta xayik’ek ja’ ipik ta diabetes, ipertension, obesidad, estrés, chiuk’to yanantik chameletik ti ja te k’uniben sbek’talik ti mi ipajik xu tax chamik, li’ ta Chiapa jeloven ta 70 chamik ti k’alal tsakatik ti ta virus COVID-19.

Yan chamel ti ja’ oyik tas kuxlebinel batel ja me lis nop’benal yunik, yun oy yilojik epal vinik ants ipik, chiuk ti ja xa’ yuts yalalik ti ipik ti ja chamik ti k’alal ipajik.

Chiuk noxtok ja tey tas k’elik lij nak’lumetik muyuk tas k’el sba’ik ti k’uchal mux ipajik tas koj le ne’ ja me te’ oy ta epajel li yamtelik.

ta yanantik ayej, li ech baxak’lajunem li U’ jun olol ta chim jabil, ti ja te nakal ta barrio Maria Auxiliadora tey ta lum jo’vel, te milat ta ma’jel yun lis cha’tot, li ja o’no’ox tey tax ilbajinat yu’un.

Lij tsomlej Melel Xojobal, ti oy el tas k’elel li ololetik tey ta lum jo’vel te laj yak’ta na’el ti oy xa’ono’ox epal velta yak’oj ta na’el li uts’inta’el, milel yun li antsetik, chiuk li yilbajinel li vik’tal kerem tsebatik jch’ieletik li ta Chiapa

Tas koj li tsatsal uts’inta’el milel la yich li olol ta chim ja’bil, te tsots las k’anik ak’u yich’alel ti mu’uk xa xk’ot ta pasel jech yan’belta, ak’u xich k’elel li ololetik li boch’otik oy sbo’kolik ta majel, yun lij amteletik muyuk bu tas k’elik k’uxi xu’ tax paj li uts’in’ta’el yun ja’ ep xu oy tax lik ta jujun j’nak’lumetik.

Muyuk bu’ lek amtelanbil k’elbil ti k’uxi’ xu muyuk ilbajinel ma’jel milel ta jujun na’etik.

Li to ta Chiapas paralelo te to me ta xich aleltal. Lij belcha’bel loil ayej ja me’ patrocinio yu’un DW Akademie

Boch’o las jelum taj k’optik : Ana Lucia Lopez Hernandez
Boch’o las ts’iba taj k’optik : Maximiliano Lopez Perez

 

Gracias a

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.