Podcast 41 Tsotsil – Sva’cuna’il li COVID bulemxame’tal li ta Chiapas, pe li ajbalil muyukme’ tas k’an ta xak’ve skotol lij pox’tabanejetik

Resumen informativo COVID-19
Resumen informativo COVID-19
Podcast 41 Tsotsil - Sva’cuna’il li COVID bulemxame’tal li ta Chiapas, pe li ajbalil muyukme’ tas k’an ta xak’ve skotol lij pox’tabanejetik
/

Multimedia

Otros idiomas

 

Li me’ cha’bai jbel chabeluk kuts kalaltak ba’tsi vinik antsetik taj lumaltik Chiapa, k’uxelan chal noticiero Chiapas paralelo, ti jaik jtsomlejetik ta Alianza de Medios de la Red de periodista de a pie.

Li’ lunes bo’lajunem yun marzo ta 2021.

Li xemana ja me’ tey bultal mas ta 40 mil li ta Chiapa spoxil li COVID, li ja tas pajes li ch’amajel chamel coronavirusCOVID-19.

Lij amteletik te la yalik ti le vacuna ja’uk ak’u yich’ik li mol’me’eletik ta 60 sja’bilalik li ja’ik nakalik tey ta lumetik zona costa de Chiapas, Tuxtla Gutierrez chi’uk Tapachula.

Li le k’alal laj yich ak’el li vacuna, ta mil no’ox vinik antsetik lax chol sba’ik k’akal ak’ubal tas k’anel li poxil. Pe mu me’ skotolikuk las ta’ik, ja’ yun te las toy ya’yejik ti las k’anbik li ajbalil li ak’u yak’to’el ep poxil tey ta lumetik.

Ta lum Tuxtla Gutierrez tey me’ k’otananik yantik lumetik tas k’anel li vacuna.

Ja’ yun k’alal li oy epal sna’il yak’oj li ajbalil sventa yich’el li vacuna li ja’ no’ox ta xak’be’ li mol’me’eletik ta 60 sja’bilalik, oy me’ epal jpoxta’banjetik j’amteletik tas venta sna’il li poxil, te la yalik li le’ j’amteletik ti ja’ik tas k’elik epal jcha’meletik li xu’ anil tax ch’amik li virus, muyukme’ tas k’an ta xak’bik vacuna li ajbalil.

Tas koj le ne’ lij poxta’banejetik boch’otik tas k’elik ololetik, li ja’ tsots lis chamelik, te me’ pa’jik ta amtel yun ja’ tsots tas k’anbik li ajbalil li ak’u x’akbatik li vacuna.

Francisco Javier Gallegos, li ja jun jpoxta’banek ek li le tas venta ololetik, te laj yak’ta’ na’el li oy epal ololetik tax k’otik ta poxta’el li ja’ ipik ta COVID , ja’ yun tey lax ch’amanik li jpoxta’banejetik chiuk sko’tolik li jayim tey tax amtejanik.

Abril Pascual, ja’ jun mej poxta’banej’ek tas venta li vik’tal ololetik , te la yal mi ja’ lax ch’am chamel lij poxta’banej ja’ me’ jech xu tas pukesbe’ chamel li jayim ololetik tax k’otana’nik ta poxta’el.

Sko’tol li le’ ayejne’, li ajbalil mu’yuk bu’ tas k’an ta xak’ve’ vacuna lij amteletik tas na’il li le’ poxta’el, jechme’ tax k’ot ta pasel tas ju’nul Chiapas, te ta xal li ja’ la muyuk bu xibalva’sba’ tax ipajik.

Lij amteletik tey la yak’ik ta’ na’el li ja xa’ tey tax k’otanan vacuna ta lummetik jo’vel chiuk Palenque.

Ta yanantik ayej, tey ta lum sierra del estado de Guerrero, tas koj li mu’yuk tax k’ot li internet ja me’ te com tax chanunik jun ta oxim li ololetik, te me las komesik lix chanunik, k’alal laj yich makanel li chanum bun tas koj li cha’mel. Chiuk muyuk me’ bu’ tax chanunajik lij chanunetik ta Universidad Benito Juarez.

Lij chanumtas’banejetik tey laj yalik tas koj li mu’yuk tax k’ot li internet, kerem tsebetik jchanunetik mu’yukxame’ tsots sk’olal ta xa’yik lix chanu’nik li tey ta lum pe’ ja’ me tsots sk’olal li chanunal yun ja’ jech xu tax bi’jubik batel, tax le’kum lix kuxleja’lik.

Totil me’ iletik jcha’numtas’banejetik tsots me’ tas k’anbik lij amteletik li ak’u sna’kanbik s’antena’il li internet li le ta te’tik li bu’ nakalik.

li ta Chiapa paralelo te to me’ ta xich aleltal. Li jbel cha’bel loile ja patrocinio yu-un DW Akademie.
Boch´o las jelumtas taj k’optik : Ana lucia López Hernández.
Boch´o las tsiba taj k’optik : Maximiliano López Pérez.

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.