Podcast no.17 en Tseltal, Slumalab te bats’il anst winiketik la sjachik jun tsoblej ta swentayochelik. Ta Chiapas pejk’ajemtospujkel te chamel yu’un COVID-19 ta ants winiketik

Podcast no.17 en Tseltal, Slumalab te bats’il anst winiketik la sjachik jun tsoblej ta swentayochelik. Ta Chiapas pejk’ajemtospujkel te chamel yu’un COVID-19 ta ants winiketik
Resumen informativo COVID-19

 
 
00:00 / 5:19
 
1X
 

Multimedia

Otros idiomas

 

Nok’ol awaiybel, jun k’op ayej te bajem ta swenta yu’un te bats’il antswiniketik taChiapas, te chajpambil yu’un te Noticiero Chiapas Paralelo, te ya x-a’tej sok teAlianza de Medios de la Red de Periodistas de a Pie.

Yo’tik lunes waxakeb scha’winik yu’un septiembre yu’un 2020.

Te estado yu’un Campeche ja’najil k’ojt yu’un teRepública Mexicana,te la yich’ nael bit’il“semaforo verde”, te ini ja’ya sk’ana yal, tek’alalmatobach’ayem bajelta spisilte chamele, teytaestado te spujkel te chamelyu’un COVID-19 ta ants winiketik maba tulan yakalix.

Ta México ya yich’ tunel te“Semáforo Epidemilógico”,te ja’jun cholbil a’telte yayak’ ta ilelte bit’il yakal ta pujkel te chamelta stojolikte swinkilel lume.Te tsajal bojnil ja’te banti bayal ta pujkel te chamele, tealaxaxtik sbojnil ja te yojlile, te k’ane ja’ te banti pejk’ajem spujkel te chamele, sok te yaxe ja’ te banti maba chikanix bayal spujkel te chamele.

Jich bit’il yak’ojik ta nael te a’telpatanetik yu’un poxil, teChiapas ay ta k’anal semáforo, ja’nax te k’alal ya xk’ojt ta yaxal semáforoya xu xjajch spisil te a’teletik, jich bit’il te snaul nop junetik, ja’naxme teme ya st’unik te tsitsel yu’un skanatyel sbajike.

Ta stojolini la xcha’ yak’ik tanael ta swenta te ya xcha’ chiknatalxan spujkel te chamel k’alal ya xk’ojt sk’ajk’alel te sike. Ja’ yask’ana yal, te ya xcha’ tulanub spujkel te chamel yu’un COVID-19, jich bit’il te k’ax ta yantik muk’ul lumetik.

Tayantik cholbil k’op ayejetik te k’axel wakeb scha’winik yu’un septiembre ts’akay wakeb jawilxch’ayel te 43 nop junetik yu’unAyotzinapa. TeajwalilAndrés Manuel López Obrador la yak’ ta nael te maba na’bil te bin k’ojt ta pasel ta stojolike, maba juem ta tajelik.

Te bin juemixta pasele, ja’ snael teswentailsch’ayelike, ja’lata smuliksoltaroetik, polisiaetik, milawetiksokja’la makbotik smulikyu’un te a’telpatanetike.

Ja’ yu’un, la yak’ ta nael te ay mantaletik yu’un stsakel taswinikab yu’un te Ejército Mexicano, ajenteetikyu’un te Ministerio Públicosok te jololetik yu’un te polesiateik. Ta stojol te statik yu’un te 43 nop junetik la sk’ambey perton ta swenta te Estado, yu’un te muk’ul ajwalil taMéxico, ta swenta yu’un te layal,te bin k’ojt ta pasele ja’ junmuk’ulchopol a’telil te banti sch’iko sbaj a’teletik yu’un te muk’ul ajwalil.

La yal, ja’ yu’un te yo’tik ajwalil ta México ya sk’an schajpan te uts’inelesok yak’el ta nael te binixk’ojt ta pasela

Slumalab te bats’il anst winiketik la sjachik jun tsoblej

Muk’ul lumetik, tut lumetik, organisasionetik yu’un te bats’il ants winiketik sok te mach’atik ya x-a’tejik ta k’altiktekaxemta lajuneb estadoetik yu’un te jlumaltik México, te ja’ikte slumalab Tsotsil, Tseltal, Lacandon,Tenek, Nahua, Maya, Hnahñu, Purepecha, Na Savi, Tepecano, Wixarika, Zapoteca, Yaqui, Mixe sok Me ́Phaa, te stsobo sbajik sok organisasionetik, la yak’ik ta naelte la sjachik te Alianza por la Libre Determinación y la Autonomía.

Te swinikab te Alianzala yalik, ta swenta te yakalilte bats’il ants winiketik taspasel te ya’telikta stukel yo’tanik sok te tsajbil ajwalile, te st’unelte tsitseletik yu’unikesok te yich’el ta muk te stalel sk’inalike, yakal yilbelik taajwaliletik, empresaetik, sok te tsoblej yu’un milawetik, te yakalik tauts’inel ta swenta te stalel snopel yo’tanike.

Te Alianza, ya sk’anik te ayuk jun chajpanbil a’telil te ya xkanataybotik te yochelik ta spasel te a’telil ta stukel o’tanil, te kuxlejalil sok te jme’tik lum.

Li’ ta Chiapas Paralelo yatome jcholbeyexkotik te bintik ya xkojt ta pasele. te k’opayej ini chajpanbil sok spatrocinio yu’un DW Akademie

Traducción y locución (sk’asesel sok scholel k’op ayej): Juan Gabriel López Ruíz

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.