Podcast no.23 Tsotstil – Ta mexico ta xa xich pa’sel preba ti vacuna tas venta li COVID-19, chamik chim-xcha’vinik ta bo’olaltik ta chiapa 

Resumen informativo COVID-19
Resumen informativo COVID-19
Podcast no.23 Tsotstil - Ta mexico ta xa xich pa’sel preba ti vacuna tas venta li COVID-19, chamik chim-xcha’vinik ta bo’olaltik ta chiapa 
Loading
/

Multimedia

Otros idiomas

Li Me’ cha’bai jbel chabeluk kuts kalaltak ba’tsi vinik antsetik taj lumaltik Chiapa, k’uxelan chal noticiero Chiapas paralelo, ti jaik jtsomlejetik ta Alianza de Medios de la Red de periodista de a pie

Li lunes balunem yun noviembre ta 2020

Li ajbalil ta mexico laj yak mantal li ak’u xa yich pasel preba ta jayibuk vinik ants, lis vacuna’il li COVID-19,li ja tas pas li empresa farmacéutica China CanSino Biologics.

j’amteletik laj yak’ik ta na’el ti ta xa xlik yak’ik li poxil ta chan-lajunem lumetik, ja tey na’bal li Oaxaca, ja me’ te oy ta’ sa’el jmil vinik ants ti ak’u yak’sbaik ta julel tas lekil yontonik yun ja’ jech xu ta k’elel mi x’tun li poxil.

K’alal mi laj yich ta’el ta sa’el li jayim k’anbil, tey me’ ta xich’ik julel ta me’ xich’ik k’elel mi muyuk bu tax ch’amik li coronavirus. Li le’ sk’elubilne’ ta me’ xja’lij olil ja’bil, ja to me jech te ta’ na’el mi x’tun tas venta tas mak li chamel.

Li yan spa’subil poxil li ja, janssen, li ja yun li empresa Johnson & Johnson, te me laj yal ti tas k’an ta xak li vacuna’ek ti jayim boch’otik tas k’anik li ta’ Mexico

Mi muyukto’ na’bil mi xtun li vacuna mu to’me’ xu’ xich chonel xi la yak’ta na’el lij amtel yun pox-ta’el, Hugo Lopez Gatell.

Li vacuna’e ta me xich ak’el ta preba tey ta jayibuk vinik ants ti boch’tik tas k’anik jech k’uchal ta Chile, Argentina, Pakistan, Arabia Saudita, Rusia chiuk China.

Li ta orane ta’ mexico lij chameletik ta COVID-19 ja oy ta jun millón vinik antsetik, chi-uk oy xa’ ta 90 mil chamenik tas k’oj li chmel le’ne.

Ta yanantik ayejetik, li vo’olaltik li’ jelaj te laj yak no’jelal jeme’letik tas lumal li vats’i vinik ants li ta Chiapa, tas k’oj lene’ te me’ cham chim’xcha’vinik krixchanoetik.

Li butik chamik ja’ te ta lum San juan Chamula, El Bosque, Oxchuk, Mitontik, La Grandeza chiuk Rayon.

Lij amteletik te la yak’ik ta na’el oy ta 3 mil na’etik laj yilbajin li vo’olaltik, oy ja yibuk ti vuk’an sk’otol tas k’oj li jemeletik. Chi’uk oy jemeltik ta ve’etik, chiuk bo’om uk’umetik ti nojanantal, tas koj le ne’ oy me’ epal jnak-lumetik oy sbo’kolik.

Li yan ayej, ta Estados Unidos te las t’ujik li ajbalil yunik, li boch’o las pas kanal te ta país ja me’ li Joe Biden, ja las tsal li ajbalil ti bu to’ox nak’al, Donald Trump.

Te me laj yich sa’el li x’chibal ajbalil ta Kamala Harris, li ja jun ats och ti te ta amtelal, li le’ ants’ne ja te likem ta asiático.

Li bayuk yayej li ach ajbalil ti ja las pas kanal, li Joe Biden te las k’anbe’ li vinik nats ta país ti oyuk jun ts’obun ba’il, yun li albalil-to’ox Donald Trum, tey sim tasban te la yal ti mu’ meleluk las pas kanal li yan, ti oy me’ ta sa’el ti ak’u mux naki’li ach ajbalil

Li ta Chiapa paralelo te to me’ ta xich aleltal. Li jbel cha’bel loile ja patrocinio yu-un DW Akademie.
Ti boch´o las jelumtas taj koptik: Ana lucia López Hernández.
Boch´o las tsiba: Maximiliano López Pérez.

Gracias a

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.