Podcast no.24 Tsotsil – Li COVID-19 te me’ la yilba’jinbe’ sjol yonton batsi antsetik. Sloilal k’ux’elan li paraje’etik k’om tas venta li jemeletik chi’uk nojelal.

Resumen informativo COVID-19
Resumen informativo COVID-19
Podcast no.24 Tsotsil - Li COVID-19 te me’ la yilba’jinbe’ sjol yonton batsi antsetik. Sloilal k’ux’elan li paraje’etik k’om tas venta li jemeletik chi’uk nojelal.
Loading
/

Multimedia

Otros idiomas

Li Me’ cha’bai jbel chabeluk kuts kalaltak ba’tsi vinik antsetik taj lumaltik Chiapa, k’uxelan chal noticiero Chiapas paralelo, ti jaik jtsomlejetik ta Alianza de Medios de la Red de periodista de a pie

Li lunes bak-lajunem yun noviembre ta 2020

Li chamel COVID-19 te me oy ta yilbajinel sjol’yonton li antsetik tas vej-lijil banumil, yun tas koj li ja te epajem li yamtelik tas na’ik ja’ jech la yak’ik ta na’el li boch’otik oy yamtelik tas k’elel li ayej lo’iletik k’alal las jak’ik ta e’pal lumetik, ja me’ te na’bal li Mexico. Li ayej lo’il la yak ta’ na’el lij tsomlej IPSOS, te la yak ta’ k’elel li k’alal bul li chamel li antsetik te me’ ep yamtelik tas na’ik, tas k’elel yolik, jech k’uchal tas k’elel sk’otol li jayim tas na’ilalik. Ja’ me tey na’bal noxtok li yanantik yamtelik ti mu ja’uk tas na’ik.

Jech ta xal li k’ux elan las ta’ik ta jak’el, vo’om ta lajunem antsetik la yalik ti ja tey stuk ta xa’i sbaik yun muyuk kolta’el yunik, te la yalik noxtok li bax’kim ta lajunem antsetik li ta Mexico ti muyuk bu chimbil k’elbil ta xa’yik, tas k’oj li xu tax ch’amik li coronavirus, te me oy o li lubel cha’yik chiuk li mel onton’ tas k’oj li muyuk xa amtelal muyuk xa’ tak’in k’uchal xu tax kuxi’jik chiuk yuts yalal.

Skotol le ne’ te me’ la yalik noxtok, li antsetik ti te me tas pat-yontonik stukik ti oy sma’la-el yunik, yun te stik’oj tas jolik ti le’ vokolal talem ta me’ xjelav, te me’ tax lekum el k’alal mi oy el ta jelabel li u’etik.

Te la yalik nox-tok li oy me’ k’usi sk’elojik batel k’uxi xu’ tas ta’ sta’k’inik chiuk li yuts yalalik, ja’ me ti ak’u sman-ve sba’ik lis bolomalik te bu nopolik, yun le’ ne’ ja me tas kolta’ik lij chonulajeletik tax k’otik ta paraje’etik, jech noxtok ja jech tas kolta li boch’otik xot-kinik chiuk yuts yalalik jach te tas kolta’ik li bik-tal jchonulajeletik.

Li bo’olaltik bul tal ta Chiapa li li’ laj tal semana, te me’ oy ep ilba’jinban komel ta epal lumetik, tu bu ep bokolil kom ja me te ta paraje’etik ti bu na’kal li bats’i vinik ants, li butik la yalik lij amteletik ti ja’ lek mi las komes sba’namilik lij nak-lumetik, yun me’ ja tey xu tax k’ot yan velta li jeme’lal chiuk nojelal ta vo’.

Tas k’otol li k’usitik k’otan ta pasel, j’nak-lumetik zoques, te la yalik ti le’ k’usi tik tax k’ot ta pasel ja me’ tas k’oj, li ajbalil oy ta yilbajinel li banumil, jech k’uchal tas ts’unel li epal vakaxetik, stune’sel li smi’lubil ts’ilel, sbo’jel te’etik ti butik muktik te’etik, tas koj le ne’ ja me te mu xa xu’ yu’un sma’kel vo’ li banumil

La yalik nox’tok ti oyik me’ ta yalel ti ak’u xich pajesel li megaproyectos, jech k’uchal slok’esel li minera, li represas, lis ts’unel li palma africana, chiuk to ep yantik li ja te’ oy el ta yilbajinel li banumil.

La yalik mi muyuk tax xich jelel li k’usik ta xilbajin li banumil, muyukme’ tax paj li vo’olaltik li jeme’letik, ja’ukme’ xich k’elel li uk’umetik, ti oyuk yorail ta tunesel li presa oy ta Chiapa. Li k’usi tsots sk’olal ta k’elel ta anil jame’ li boch’otik oy sbo’kolik jech k’uchal lij nak-lumetik zoquez, chontales, tzeltales chiuk tsotsiles, pe lekuk yich’ik k’elel, ti yich’uk k’elel nox-tok k’usi xu tas pasik k’uchal mus ta’ sbokolik yan velta

Li ta Chiapa paralelo te to me’ ta xich aleltal. Li jbel cha’bel loile ja patrocinio yu-un DW Akademie.
Ti boch´o las jelumtas taj koptik: Ana lucia López Hernández.
Boch´o las tsiba: Maximiliano López Pérez.

Gracias a

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.