Podcast no.33 Tsotsil – Li chamel oy me’ ta epajel

Resumen informativo COVID-19
Resumen informativo COVID-19
Podcast no.33 Tsotsil - Li chamel oy me’ ta epajel
Loading
/

Multimedia

Otros idiomas

Li me’ cha’bai jbel chabeluk kuts kalaltak ba’tsi vinik antsetik taj lumaltik Chiapa, k’uxelan chal noticiero Chiapas paralelo, ti jaik jtsomlejetik ta Alianza de Medios de la Red de periodista de a pie .

li lunes vaxak’lajunem yun enero ta 2021.

Li k’alal nomtik’to xilan sba’ li na’etik ja me te nomtik’to oy lij nak’lumetik; li k’elba’il ta jujun paraje’etik, ja’ me tey laj yak’ta k’elel lij nak’lumetik li ta Chiapa ti ja tunem yunik k’uchal mux ch’amejesbe’sba’ik li chamel jech mux chamik tas koj li coronavirus COVID-19, xi laj yak’ik ta na’el jbi’jililetik.

Jech k’uchal laj yak ta na’el lij amtel yun poxta’el li taj lumaltik, tey ta lumetik bu’tik nakalik li bats’i vinik ants ja’ no’oxme’ xch’amojik chamel lajcham ta 100 jnak’lumetik; ja’ tas k’an chal mi ta jun paraje oy nakalik 10 mil vinik ants ja no’oxme’ ipajik jun o chim ta coronavirus. Jech na’bil ja 1.8 ta 100 mil jnak’lumetik chamik, ja me jutem chamik ja me x’jelaj yepal chamik ti ta muk’tikil lumetik, ti ja tey chamik chan’lajunem ta 100 j’chameletik.

Li yamtelik li boch’otik ja oyik tas pukesel li ayej lo’il, te laj yalik li ajbalil li ta Chiapa muyuk me tas k’an ta xal ta ja’mal jayim ipik chiuk jayim chamik tas koj li le’ chamel, skotol le ne’ li xi’el li ta muktikil lumetik chiuk li yepal jchameletik ja me te mas to ep jech k’uchal bu’tik nakajtikik li bats’i vinik ats.

Skotol le ne’, li butik muktik lumetik li tas ju’nul mexico ja to me lumetik ti ja to oy epal jchameletik chiuk li ja’ ep tey tax chamik. Jech laj yich alel jmil ta jujun k’ala tax chamik tas coj li COVID-19 li le’ laj tal xemana. Le ne’ oy me ta 140 mil 704 vinik ants chamik tas li le chamel coronavirus li ta mexico.

jech laj yal li j’amtel yun poxta’el li tas junul jlumaltik, ti oy xa x’ech ta jun millón 641 mil 428 vinik ants ti xch’amojik li ta mexico.

Tey la yal li muk’ul j’amtel ta Organización Mundial de la Salud Tedros Adhanom Ghebreyesus lis vakuna’il li covid, ti ja’ smala’el mi tax laj li chamel k’alal mi laj kich jkotoltik muyukme’ k’otem taj tojolal jkotoltik, te la yal no’xtok ti oy me bajel te yun me oy vinik ants tsotsik muyuk ipik ja’ oyik ta yich’el li vakuna, pe li butik abul’jba’tik muyuk k’usi oy kuntik muyuk me taj ta’tik ta anil ja me yun li le boch’o oy sta’k’inik ja me tax toj yu’nik.

li ta Chiapa paralelo te to me’ ta xich aleltal. Li jbel cha’bel loile ja patrocinio yu-un DW Akademie.
Ti boch´o las jelumtas ta koptik : Ana lucia López Hernández.
Boch´o las tsiba : Maximiliano López Pérez.

Gracias a

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.