Podcast 40 Tseltal – Te antsetik, kejchajik ta yich’el stojolik ta swenta te muk’ul chamel yu’un COVID-19

Resumen informativo COVID-19
Resumen informativo COVID-19
Podcast 40 Tseltal - Te antsetik, kejchajik ta yich’el stojolik ta swenta te muk’ul chamel yu’un COVID-19
/

Multimedia

Otros idiomas

Yakal awaiybel jun yawil cholbil k’op ayej yu’un te bats’il ants winiketik ta Chiapas, te chajpanbil yu’unte Noticiero Chiapas Paralelo, te ya x-a’tej sok te Alianza de Medios de la Red de Periodistas de a Pie.

Yo’tik lunes waxakeb yu’un marzo yu’un 2021.

Te ants winiketik ta bajlumilal k’ax tulan la yil te bin k’ax ta swenta te muk’ul chamele,te jajchem yu’un te coronavirus COVID-19: tsakot ta chamel. La sch’ay ya’tel, la sman te sweel yuch’el sok poxetik te toyol stojol,sokla yochintayte xiwel ta swenta te maba nabil binya xtal ta spatilal, o ta swenta slajel te mach’atik k’ux ta o’tanile.

Te antsetik jaik te swinkilel lum te k’ax uts’imbilike, jich la yak’ ta nael Alicia Bárcena, Secretaria Ejecutiva yu’un teComisión Económica para América Latina y el Caribe (CEPAL)sok te muk’ul tsoblejyu’un te Naciones Unidas te la yak’ ta nael ya’yejal te o’bolil sok temayukpajal ich’el ta muk’,te yijkitayojilel te ini chamel ta América Latina.

Te k’op a’yej ak’bil ta naele ya yal, te jich bin ut’il ta México, chanlajuneb ta jujun jowinik ta jtul antsetik te stajo jun ya’telik-a, la sch’ayikta ya’wilalte 2020.

Tema spisilikte antsetik iniyo’tik yakatik ta a’tel tanaj,jich bin ut’il ta spasel weeluch’eletik sok te mes naj, te skanantayel te mach’atik ayik ta chamel sok spisil te mach’atik ayik ta naje, janax yu’un maba ya yich’iktojel yu’un te ateletik ini.

Te muk’ul tsoblej yu’un te ONU la schol, te antsetike ja’ bayalxan te o’bol jilik ta ya’wilal te 2020, sokja’ikte mach’atik bayalxan la stajik tulan a’telil, te maba la yich’ik tojelyu’une.

Alicia Bárcena la yal te ini wokolil te jajchemyu’un te muk’ul chamel, la skaj jun sujtel ta lajuneb ja’wilte a’teletik juemikix yu’unik-ateantsetikta swentateyakuk xu x-ochik ta a’teletikte ya x-abotik jile stojoliksok testajel tak’in ta stukelik.

Te k’op a’yej tikombil yu’un te ONU ya schol, yu’un ya xu stam sbaj jajchel te swinkilel lum ta bajlumilal yu’un te wokolil ini, yame sk’an tejk’anel spujkel te coronavirus COVID-19, ja’me jich ya xu te sujtel ta a’teletik sok te lok’el k’alal ya jk’antike, ta chombajel sok smanel biluketik jich bin ut’il te weel uch’ele.

Ja’nax yu’un te stejk’ajel mak spejk’ajel te chemel, spejk’ajel te lajeletik sok te mach’atik ayik ta wokol yu’un te chamele, ja’tome ya xchiknaj k’alalspisil te swinkilel lum la yich’ik julele, jich la yak’ ta nael te muk’ul tsoblej.

Te sjulel spisil te swinkilel lum yu’un América Latina maba xa ju’uk ta lajinel ta ya’wilal 2021, ta bayal swentail, jich bin ut’il te maba ayuk lek te poxil julel.

Ja’ yu’un te yo’tike yame sk’an otsesel te antsetik ta a’teletik te ya x-abotik biluk koltayel, mak stulanubtesel sok sjachel a’teletik te ya schajpanik te antsetike.

Ta yo’tik ini, ta bayuk lumetik yu’un bats’il ants winiketik ta México, tsoblejetik yu’un antsetik yakal schajpanbelix sbajik. Ta senyajul, ta Calakmul, Campeche, jo’lajuneb ta jtul antsetik te ya xk’opojik ta yanyantik k’op jich bin ut’il ta ch’ol, tseltal, tsotsil sok maya, yakal sjachbelik awilaletik yu’un bats’il antsetik sok kaxlanetik.

Ya slejik,te antsetik, tut ach’ixetik sok ch’ielach’ixetik te yakuk sna’ik sok yakuk snopik te yochelik, te ya’telik, te bintikxan ya xu spasike; jich bin ut’il te p’ijubtesel ini.

Li’ ta Chiapas Paralelo yatome jcholbeyexkotik te bintik ya xkojt ta pasele. Te k’op ayej ini chajpanbil sok spatrocinio yu’un DW Akademie

sk’asesel sok scholel te k’op ayej: Juan Gabriel López Ruíz.

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.