Podcast 40 Tsotsil – Li antsetik te me’ muyuk las ta’ sta’k’inik tas coj li chamel COVID-19
Multimedia
- Archivo de audio mp3 (4.7 Mb)
- Archivo de audio mp3 (3 Mb)
- Archivo de video mp4 (52 Mb)
- Archivo de video mp4 (16 Mb)
Otros idiomas
Li me’ cha’bai jbel chabeluk kuts kalaltak ba’tsi vinik antsetik taj lumaltik Chiapa, k’uxelan chal noticiero Chiapas paralelo, ti jaik jtsomlejetik ta Alianza de Medios de la Red de periodista de a pie.
Li’ lunes bax’kim yun marzo ta 2021.
Lij nak’lumetik tas vej’lijil banumil te me’ ep laj yil’sbo’kolik tas coj li chamel coronavirus COVID-19; tey ipaja’nik, tuch’bat yamtelik, tey las ma’nik sve’elik chiuk las ma’nik ep spo’xilik ti ja’ik toyolik sto’jol, te ep xi’el laj ya’yik ti k’alal mus’na’ik k’usi tax k’ot ta pasel chiuk ti chamanik’ li boch’otik nopolik xi’lik.
Li boch’otik ep laj yil sbo’kolik jame’ li antsetik, jech laj yak’ta na’el li Alicia Barcena, li ja’ j’amtel ta Secretaria Ejecutiva de la Comision Economica para America Latina y el Caribe (CEPAL) xi’ sbi’ ta kax’lan k’op, jtsomlejetik ta Naciones Unidas te laj yak’anik ta na’el li me’onal chi’uk li mu’ jkotol’tikuk oy jtak’intik, ja’ jech las komesutik ti li’ chamel tas ju’nul li America Latina.
Li ayej laj yich ak’el ta ilel, li ta sju’nul Mexico, ja’me’ li chan’lajunem ta cien li antsetik li oy to’ox yamtelik, te me lax ch’ayik li ech ja’vil 2020.
Li le’ epal antsetik ta orane’ ja’ me te tax amtejik tas na’ik, jech k’uchal smeltsanel ve’lil chiuk sk’elel lis na’ik, sk’elel lij chamel yunik, chiuk sko’tolik li boch’otik tey xchuk’ik ta nak’lej.
Lij tsom’lej yun li ONU te laj yal li antsetik ta orane’ ja me’ te epajem li me’onal yu’nik li ech ja’bil ta 2020, chiuk li ja’ to’ te epajem li yamtelik pe mu’yuk’me’ sto’jolik.
Li Alicia Barcena te laj yal li bokolal laj yi’chbu’tik tal li chamel, je me’ tey lij sut lajunem ja’bil ta me’onal, jech k’uchal tas koj yamtelik li antsetik li bu xu’ tax amtejik li ja’ tojbilik, chiuk li ja’ xa yamtel stukik.
li ayej laj yak’ta na’el li ONU, ja’ la yal li k’uxi tax laj li bokolal tas ju’nul banumil, ja tas k’an li pajuk’xa li ch’amajel chamel tas coj li’ coronavirus COVID-19 yun me’ k’alal muyuk’xa’ chamel xu xa xlik amtelaletik, ja xa jech xu jun yonton xlo’k li vinik ants ta chonula’jel chiuk tas ma’nel sve’el.
Pelis pajesel li xch’amajel li chamel, spa’jesel li boch’otik tax cha’ma’nik li le ta virus, ja’ to mi’ laj yich vacuna sko’tol lij nak’lumetik xi laj yak’ta’ na’el lij tsom’lejetik.
Li yich’el li vacuna tas ju’nul lij nak’lumetik ta America Latina, mu me’ xu’ xich ak’el li ja’bil 2021, ja’ tas koj li mu’yuk ep li vacuna.
Li ta orane’ oy me’ ta k’anel li bu’tik amtelal ta xich’an likesel ja me’ li oyuk tax ak’bat yamtel li antsetik’ek chiuk yich’uk kolta’el li butik tas likesanan yamtelik.
Li ta orane’, oy epal lumetik bats’i antsetik li tas ju’nul Mexico, jtsomlej antsetik , oyanik xa’ tas tso’banel sba’ik. Jech k’uchal tey ta lum Calakmul, Campeche, bo’lajunem antsetik jk’opojeletik ta bats’i k’opetik ta chol, tzeltal, tzotzil chi’uk maya, oyik tas k’elel jun abilal li bu’ xu’ li bats’i antse’tik chi’uk mauk bats’i antsetik.
Li le’ikne’ oyuk ta sa’el, li antsetik, jch’iel tse’betik li oyuk’xcha’nik li k’usitik li ja’ sderecho’ik, chiuk li k’usitik tsots sk’olal ta pasel, xch’uk li k’usitik xu’ tax chana’nik bat’el.
Li ta Chiapa paralelo te to me’ ta xich aleltal. Li jbel cha’bel loile ja patrocinio yu-un DW Akademie.
Ti boch´o las jelumtas ta koptik : Ana lucia López Hernández.
Boch´o las tsiba : Maximiliano López Pérez.
Sin comentarios aún.