Podcast 42 Tseltal – Mamaletik sok meeletik ja’ik te ya xu stsakotik bayal welta yu’un te COVID-19

Podcast 42 Tseltal - Mamaletik sok meeletik ja’ik te ya xu stsakotik bayal welta yu’un te COVID-19
/

Multimedia

Otros idiomas

Yakal awaiybel jun yawil cholbil k’op ayej yu’un te bats’il ants winiketik ta Chiapas, te chajpanbil yu’unte Noticiero Chiapas Paralelo, te ya x-a’tej sok te Alianza de Medios de la Red de Periodistas de a Pie.

Yo’tik lunes chebscha’winikyu’un marzo yu’un 2021.

K’axemix ta jun ja’wil te k’alal kaj te muk’ul chamel, te banti antswiniketik kajik ta tsakel yu’un te coronavirus te na’bil bit’il COVID-19.

Ta ini k’ajk’al, p’ijil antswiniketik la sna’beyikix stojol te bin ut’il ya xpujk te chamel, te mach’atik ya stsakotikxan bayal sok te bin ut’il ya x-uts’inotikte chamele.

P’ijil antswiniketik yu’un te Universidad de Dinamarca sok te Centro Europeo para la Prevención y el Control de Enfermedades yu’un Suecia, la stajik ta cholel, te mach’atik tsakayem jo’eb schanwinik ya’wilalik yamexu xcha’tsakotik te chamel te maba spaj sok te ch’iel a’ch’ix keremetike.

Ja’nix jich te meelmamaletik ya xu xbats’ijikbayal yu’un te chameletike sok ya xlajik, mel o’tantiksbaj yu’un.

Te p’ijil antswiniketik la yak’ik ta naelte tsitseletik yu’un skanantayel te meelmamaletik, yame sk’an te manchuk slaksbajik sok te mach’atik tsakbilik yu’un te chamele sok yichel te poxil julel yu’unte COVID.

P’ijil antswiniketik la scholik te mach’atik tsakbilikix ta chamele, ya xlekubik ta ora, kanantaybilik yu’un maba stsakotik te chamel, ja’naxme ta jo’eb sok wakeb u’etik ta spatilal te k’alal tsakotik ta chamele.

Ta Chiapas, te Secretaría de Salud la yak’ ta nael te semana ya xkaje cheb scha’winik yu’un marzo yatome yich ak’beyel te poxil julel te mach’atik ts’akayem oxwinik ya’wilalikte kuxatik ta municipio yu’un Catazajá, La Libertad, Palenque, Salto de Agua, San Cristóbal de Las Casas sok Tuxtla Gutiérrez.

Ta yantik cholbil k’op a’yejetik, te ajwalil yu’un México la stikun bayalxan ajenteetik yu’un teInstituto Nacional de Migración sok te Guardia Nacional ta stiil te jlumaltik sok Guatemala. La yak’ ta na’el te ya xa stejk’an antswiniketik yu’un yantik muk’ul lumetik te ya sk’an x-ochik ta México.

Te ini a’telil tajbil ta nopele ya yuts’in bayal antswiniketik te ya xlok’ ta slumalik ta swenta stajel slekilalaik sok a’tel ta Estados Unidos.

Ta yan k’op a’yej, Te a’tel antsetik yu’un Chiapas la sk’anik te skejchajel ta ts’unel te palma aseitera. K’opojik ta swenta te empresaetik yu’un yantik muk’ul lumetik te la yu’untayik k’axem ta 36 mil ektareatik yu’un k’inaletik li’ ta estado, ta rejion yu’un kosta, te selva sok ta yajk’olal yu’un te estado.

Te antsetik, ta jun tsoblej ta Palenque, la scholik ta swenta te sts’unel bayal palma aseitera, ya smil te’ wamaletik, ya x-uts’inwan, ya stakintes te lok’ib ja’etik, ya smil te yutsilal te lum, te a’tel antswiniketik maba xu slok’esbelikix lek te swe’el yuch’elik.

Te ini yich’otal wokoliletik ta stojol te antsetik, ta swen te sch’ayel sweel yuch’elike sok te stalel skuxlejalik te k’ajyemik ta spasel te antsetik yu’un sjachel sok skanantayel te sts’unubike.

Ta swenta ini ja’ ya yak te bayalik ta jtul j-a’tel antswiniketik ya yijkitayik jile te sk’inalik yu’un slejel a’tel sok weeluch’el ta yantik lumetik.

Li’ ta Chiapas Paralelo yatome jcholbeyexkotik te bintik ya xkojt ta pasele. Te k’op ayej ini chajpanbil sok spatrocinio yu’un DW Akademie.

sk’asesel sok scholel te k’op ayej: Juan Gabriel López Ruíz

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.