130 muk’ul lumetik ju’ schapelik yu’un yich’el te poxil julel ta stojol te coronavirus, ya xua stajik spisil te ants winiketik. (Tseltal)
Video:
Audio:
Transcripción:
Nok’ol awaiybel, jun k’op ayej te bajem ta swenta yu’un te bats’il antswiniketik ta Chiapas, te chajpambil yu’un te Noticiero Chiapas Paralelo, te ya x-a’tej sok te Alianza de Medios de la Red de Periodistas de a Pie.
Lunes jo’eb schawinik yu’un mayo yu’un 2020
Mato stajojik te poxil julel te ya xu stejk’an te coronavirus COVID-19, ja’ yu’un te p’ijiletik ta spamal balumilal yakatik ta a’tel yu’un spasel te poxil. k‘alal ya xu
yu’unik spasele. Te delegadoetik yu’un te Asamblea Mundial de la Salud la schajpanik te junax ya x-a’tejik ta stejk’anel te muk’ul chamel.
130 muk’ul lumetik yakal yabelik yipal yu’un pajalnax ya x-a’tejik yu’un schajpanel te yilel te bit’il ay te chameletik, stojlintesel te sjolik te anst winiketik, poxiletik sok te poxil julel ta stojol te muk’ul chamel ini. Yu’un jich te k’alal ya xlok’ te poxiletik sok te juleletik, ya yich’ pukbeyel spisil te swinkilel lumetik ta jujun muk’ul lumetik.
K’alal yakal ta pasel te a’tel ini, ta México, p’ijiletik yu’un te Universidad Autónoma de México (UNAM) la scholik te yo’tik yakal stu’unbelik kapbil poxiletik yu’un
stejkanel te’buk te chamel ta snail poxiletik.
Te chamele yakalto ta beel. Ta México, te chaneb scha’winik yu’un mayo te chamel la yak’ lajuk 7 mil 394 ta tul sok kax ta 68 mil te mach’atik tsakatik ta
chamel.
Ta Chiapas, te chamele k’ax bayal pujkem tey ta lumetik yu’un Tuxtla Gutiérrez, Tapachula sok San Cristóbal de las Casas.
Ta San Cristóbal de las Casas, a’tel poxil la yulatay te chukojibal, la yal te waxak tul tsakatik ta chamele, cha’ tsakotik ta chamel cha’tulxan, jtul te mach’a tsakal ta
chamele a’bot alta te yane cham.
Ta municipiotek yu’un bats’il anst winiketik, la yich’ ak’el ta stojolik te a’telpatanetik yu’un te municipio sok te tut lumetik yu’un ya snopik bina spasik yu’un stejk’anel te spujkel te chamele. Te snopjibal ini la skaj majtamba k’opetik te banti xa’t’o
slumalike.
Li’ ta Chiapas Paralelo yatome jcholbeyexkotik te bintik ya xkojt ta pasele. te k’op ayej ini chajpanbil sok spatrocinio yu’un DW Akademie
Traducción y locución (sk’asesel sok scholel k’op ayej): Juan Gabriel López Ruíz
Gracias a:
Sin comentarios aún.