Podcast no.23 Tseltal – Ta Méxicoya xa stsajtayik te poxil julel yu’unte COVID-19, lajik cheb scha’winik ta jtul yu’un te ja’aletik ta Chiapas

Resumen informativo COVID-19
Resumen informativo COVID-19
Podcast no.23 Tseltal - Ta Méxicoya xa stsajtayik te poxil julel yu’unte COVID-19, lajik cheb scha’winik ta jtul yu’un te ja’aletik ta Chiapas
Loading
/

Multimedia

Otros idiomas

Nok’ol awaiybel, jun k’op ayej te bajem ta swenta yu’un te bats’il antswiniketik taChiapas, te chajpambil yu’un te Noticiero Chiapas Paralelo, te ya x-a’tej sok teAlianza de Medios de la Red de Periodistas de a Pie.

Yo’tik lunes baluneb yu’un noviembre yu’un 2020.

Te ajwalil yu’un Méxicola sch’un te spaselta jlumaltikte stsajtayel te poxta ants winiketiktestukel ya stsajsbajik, yu’un te poxil juelel ta swenta stejk’anel te COVID-19, te yakal spasbel te snaul pas poxilChina, CanSino Biologics.

J-a’telpatanetik la yak’ik ta nael te stsajtayel te poxe ya yich’ pasel ta chanlajuneb estadoetik,te ochem Oaxaca, te bantiyakal talejel mil ta jtulanst winiketik testukel yo’tanik ya stsajsbajik yu’un yilel te poxil julel teme leksok teme ya xtu’une.

K’alal ya yich’ tajel te mach’atik ya sts’ajsbajike, ya yich’ik abeyel te poxil julele, sokya yich’ ileltemeya stejk’anspujkel te coronavirus. Te ini tsajtayel poxiletikya xjala ojlil jawil, ja’tome k’alal ya yich’ naelteme ya xtu’un ta stejk’anel te chamele.

Yan snaul pas poxil, Janssen, yu’un teempresa Johnson & Johnson, janix jich-ek layal spasel te stsajtayelte poxil julele sokants winiketik ta México te ya stsajsbajike.

K’alalte maba ya yich’tsajtayel teme lekayikixte poxil juleletikemaba ya xutachonel, jich la schol tesubsecretario de Salud, Hugo López Gatell.

Ja’nix jich-ek te poxil juleletikeya yich’ ts’ajtayel ta anst winiketik te ya stsaj sbajiktaChile, Argentina, Pakistán, Arabia Saudita, Rusia sokChina.

Teyo’tikta México tsakbilik ta chemel yu’un te COVID-19 tema jun millónants winiketik, sok k’axem ta 90 mil te lajik yu’un te chamele.

Ta yan cholbil k’op ayejetik, te ja’aletik yu’un te k’ajk’aletik te lajelto ta k’axelela yak’ jemts’ujuk kojel lumetiksok noj ta ja’ slumal bats’il ants winiketik yu’un Chiapas, te ja’ la yak’ te slajel cheb scha’winikta jtulants winiketik.

Te mach’atik lajike lok’emik ta munusipietikyu’un San Juan Chamula, El Bosque, Oxchuc, Mitontic, La Grandeza sok Rayón.

j-a’telpatanetiklayak’ik ta nael te, tema 3 mil najetik te utsinbilik jilel yu’un te ja’aletike, cha’oxtejk’te k’ax ta jinel kojel yu’un te sjemts’ujel lumetik. Sok jemtsujemlumetik ta bejetik, sok jo’p’ij yok ja’etik te lok’ ta sbeje, te ja’ la yak’ jilel bayal ta jtul ants winiketik ta wokol.

Ta yan k’op ta Estados Unidos la yich’ pasel te stsajel ajwaliletik,te mach’atsajbil k’ojt ta ajwalilyu’un te muk’ul lumeja’Joe Biden,te ja’la stsal te yo’ik ajwalil, Donald Trump.

Ja’nix jichla yich’ tsajeltevicepresidente Kamala Harris,te ja’ te najil ants te la stsakte a’telil-anto; stsumbal asiáticote antse.

Te najil sk’op yayejbit’il ajwalil te ts’ajbil lok’e, Joe Biden la sk’ambey te ants winiketik yu’un te slumal te junax ayukike, ta swenta te yo’tik ajwalil Donald Trump,la yal te ayin fraude sok la yal te ya xa slej te maba ya yich’ ich’el ta wenta te bin ut’il lok te stsajel ajwaliletike.

Li’ ta Chiapas Paralelo yatome jcholbeyexkotik te bintik ya xkojt ta pasele.

Te k’op ayej ini chajpanbil sok spatrocinio yu’un DW Akademie.

Sk’asesel sok scholel te k’op ayej: Juan Gabriel López Ruíz

Gracias a

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.