Podcast 36 Tsotsil – Ta paraje’etik li ta Chiapa, li molme’eletik xu me ta xi’chvik svacuna’il li COVID k’alal mi vat yich’ik lis motonik yun ajbalil

Resumen informativo COVID-19
Resumen informativo COVID-19
Podcast 36 Tsotsil - Ta paraje’etik li ta Chiapa, li molme’eletik xu me ta xi’chvik svacuna’il li COVID k’alal mi vat yich’ik lis motonik yun ajbalil
/

Multimedia

Otros idiomas

Li me oyot ta ya’yel li ayej lo’il tas venta li jnak’lumetik vats’i vinik ants li ta Chiapas, li ja oy ta sbi’najesel li Chiapas paralelo, li ja’ik jtsomlejetik ta Alianza yu’un Medios de la Red de Periodista de a pie. Ta kaxlan k’op.

Li lunes baxkim yun febrero ta 2021

li ajbalil li ta Mexico te la yak’ta na’el li tax chi’bal xemana yun febrero, te me tax lik yich’ik vacuna li molme’eletik ti boch’otik xa yich’ojik 60 sja’bilalik yun ja’ jech mux ch’amik li COVID-19.

Li ta muk’tikil lumetik li boch’otik tas k’an ta xich’ik li vacuna ja tas k’an tas no’jesik bun ta internet, pe li ta biktakil lumetik jech k’uchal ta paraje’etik li ta Chiapa, li ajbalil te laj yak ta’ na’el ti tas nakananbe’ sna’il ti butik tax k’ot yich smo’ton li molme’eletik. Li jayim vinik ants ti mu’yuk chich’ik smo’tonik mi ja’ xa oy 60 sja’bilalik ti oyik ta paraje’etik mi tas k’an lis vacuna’ik ja tas k’an ak’u sjak’bik lij amteletik yu’nik omi ja li agente ja te xu’ta xich’ik albel bu’ xu tax ak’batik.

li ta Chiapa mu mes kotoluk vinik ants tas k’anik li vacuna; jech k’uchal tey ta lum San Juan Cancuc, li presidente tey ta lum te la yak’be’ sna’ li Secretaria de Salud, lij amteletik tey ta lum te las tsom sba’ik ti te las k’anik ti aybiluk ya’yejik ti mi tas k’anik li vacuna o mi mo’oj, li le ta tsobajel yunik te k’ot ta pasel ta vaxkim’xcha’vinik yun enero, te k’otik ta chapal k’op ti muyuk tas k’anik li vacuna, pe lij amteletik tas venta poxta’el te to me’ oyik ta lo’il chiuk lij amteletik, oyik ta sabel sme’lol ti mi oy boch’o tas k’an tis vacuna xu me ta xich.

Ta yanantik ayej, jnak’lumetik ta jo’vel, te la yak’ik ta na’el li bu’tik sat vo’etik, li banamil bu’tik oy vo’etik ti ja’ tax tun yun lij nak’lumetik oy me ta takijel. Oy me’sme’lol ti oy ta takijel.

Li june’ ja me li empresaetik chiuk li vinik ants oy tas meltsanel sna’ik li butik oy bo’etik , chiuk li yan ta xalik ja me li oy jun empresa yun li refresco oy tas lok’esel li Vo’.
Tas venta sk’annel ti ak’u pajukxa li k’usitik tas la’jes li vo’, jna’lumetik te me las tsom sba’ik tas venta slo’ilta’el, chi’uk te xanabik tas k’anbel lij amteletik ti ak’u spa’jes li k’usitik ja xu’ oy tas takin’tasel li vo’.

Li yan ayej k’ot ta pasel li ta Chiapa, te la yich milel jun tsem ti ja sna’poxtaba’nej, k’ot ta pasel k’alal te’ oy ta paraje Nueva Palestina tey ta Ocosingo, li tsem Maria Sanchez Davalos. K’alal jech k’ot ta pasel te me’ epal vinik ants lik ta xanubal tas ju’nul banumil, yun mu ja’uk to slikem ta xich milel jun tsem epal antsetik ti uts’intabilik chiuk ti tax milatik. La yal lis me’ li tsem ti mu’na’ biluk boch’o lij milbanej, pe le xa no’ox olon tal oy jun vinik xchi’il ta amtel tey ilbajinat yu’un xi la yal li me’il, li tsem ne’ te la yak ta na’el yun j’amteletik pe muyuk me’ laj yich aybel. Lis k’anel lis pajesel li simtasel, majel, tsatsal tsakel, chiuk li milel tas venta li antsetik ja’ me tey epal millones antsetik ta te’tik chiuk ta muk’tikil lumetik, te’ono’ox tax k’ot ta pasel.te me’ ep ta k’anel ti oyuk aybil.

Li ta Chiapa paralelo te to me’ ta xich aleltal. Li jbel cha’bel loile ja patrocinio yu-un DW Akademie

Boch’o las jelum taj k’optik : Ana Lucia Lopez Hernandez
Boch’o las ts’iba taj k’optik : Maximiliano Lopez Perez

 

Gracias a

Sin comentarios aún.

Deja una respuesta

Este sitio usa Akismet para reducir el spam. Aprende cómo se procesan los datos de tus comentarios.

Comparta su opinión. Su correo no será público y será protegido deacuerdo a nuestras políticas de privacidad.