La skˈanik slamalil kˈinal, lek ayinel sok lekil chajpajel, ta stojol te mayuk ichˈel ta mukˈ yuˈun te oxchajp j-aˈteletik yuˈun te ajwalile
Nokˈol awaibel, jun kˈop aˈyej te bajem ta stojol te batsˈil ants winiketik ta Chiapas, chajpambil yuˈun te Noticiero Chiapas Paralelo, te ya x-aˈtej sok te Alianza de Medios de la Red de Periodistas de a Pie. Ta swenta sbatsˈijel te chopoliletik te yakal ta kˈaxel ta yanyantik munisipoetik slumal yuˈun Bosques sok ta yajkˈolal slumal Chiapas, slumalab zoque sok. tsotsiletik la stsob sbajik ta bayal ta swenta skˈanel slamal kˈinal, jajchik ta bejel tey ta Mirador yuˈun Rayón. Te bejel la yichˈ pasele la stsob sbaj tema chaˈ bajkˈ slajunwinik ta jtul, te talemik ta Jitotol, Pueblo Nuevo, […]
